“Günəşli” yatağındakı platformada və “Neft Daşları” platformasında yanğın zamanı həlak olanların və zərərçəkənlərin ailələri kompensasiya alacaq.
Əhalinin sosial müdafiəsi naziri Səlim Müslümov jurnalistlərə bildirib ki, həlak olan neftçilərin (ayda 600-650 manat alan) ailələrinə 80 min manat həcmində kompensasiya veriləcək.
Ailə üzvlərinin sayından və iş stajından asılı olaraq kompensasiyanın həcmi 140 manatadək artırıla bilər.
Bu məsələlər “İstehsalatda bədbəxt hadisə zamanı və peşə xəstəlikləri əlaqədar icbari sığorta haqqında” qanunla tənzimlənir.
Yanğın zamanı zərərçəkənlərə əlillik dərəcəsi veriləcək. Məsələn, neftçilərdən biri 60% yanıq xəsarəti alıb və o, birinci qrup əlillik dərəcəsi alacaq.
Bundan əlavə, neftçilərin yetkinlik yaşına çatmayan övladları hər ay mərhumun əməkhaqqının 2,5 həcmində müavinət alacaq.
Əgər mərhumun övladları ali məktəbin əyani şöbəsinə daxil olarsa müavinətlərin ödənişi 23 yaşınadək uzadılacaq.—06D--
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz