Sumqayıt məktəblərində müəllimlərdən 20-50 manat yığırlar ki, Hesablama Palatasının əməkdaşlarını «layiqli yola salsınlar».
Adının çəkilməsini istəməyən şikayətçi AHP əməkdaşlarını peşəkar və məlumatlı hesab edir. Onlar şəhərin təhsil sitemində “ölü canlar”, Türkiyə, BƏƏ və Bakı arasında vaxt keçirib adına dərs yazılanları tapıblar. Ona görə şəhər Təhsil ŞÖbəsinin rəhbərliyi auditorlara «təşəkkür» etmək istəyir..
AHP daxili nəzarət xidmətində (telefon 012 493 51 47) Turan-a bildiriblər ki, onlar bu işlə məşğul olmurlar və mətbuat katibinə müraciət etmək lazımdır. Mətbuat katibi Nailə Qazıyeva agentliyə bildirib ki, anonim müraciətlərə baxılmır.
Azərbaycanda büdcə vəsaitlərinin auditini iki orqan aparır – Maliyyə Nazirliyinin Dövlət Nəzarəti Agentliyi və Hesablama Palatası.
Xatırladaq ki, Sumqayıt Təhsil İdarəsində büdcə vəsaitlərindən istifadənin yoxlanması barədə qərar bu ilin 15 mayında verilib.
Hesablama Palatası bir qayda olaraq yoxlamalarının nəticələrini açıqlamır. Bəzən ümumi nəticələri elan edir, konkret fakt və rəqəmlər gətirmir.
“İnformasiya əldə edilməsi haqqında” Qanunun 6.0.3 maddəsinə əsasən, büdcə vəsaitlərinin yoxlanması barədə informasiyanın yayılması dövlət strukturlarının, o cümlədən Hesablama Palatasının vəzifəsidir. --17D—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz