Milli Məclisin növbədənkənar sessiyası

İyunun 20-də parlamentdə Milli Məclisin ilk növbədənkənar sessiyası başlayıb. Sessiyanın gündəliyində 26 məsələ var. Onlar arasında “Dövlət sirri haqqında” qanuna dəyişikliklər də var.

21.4.3-cü maddənin hazırki redaksiyasında sirr daşıyıcısının xaricə səfər etmək və şəxsi toxunulmazlıq hüququnun müvəqqəti (5 ilə qədər) məhdudlaşdırılmasına onun rəsmi razılığı nəzərdə tutulur. Lakin dəyişiklik edildikdən sonra hüquqların məhdudlaşdırılması daşıyıcının rəsmi razılığı olmadan qüvvəyə minir.

Əlavələr layihəsinə 21.5-1-ci maddə daxil edilib. 21.5-ci maddənin hazırki redaksiyasına əsasən, vətəndaşın dövlət sirrinə çıxışını yoxlayan orqan müəyyən edilməyib. İndi isə arxivlərdə araşdırma qadağasını “prokurorluq və digər dövlət hakimiyyəti orqanları, müvafiq icra hakimiyyəti orqanları” qoya bilər.

Həmçinin dövlət sirri ilə bağlı araşdırmaların qadağan edilməsi üçün çox sayda əsas müəyyən edilib. 23-cü maddənin yeni redaksiyasına əsasən, əsaslar arasında məhkəmənin araşdırmaçının fiziki imkanlarının məhdud olması haqqında qərarı, dövlətin təhlükəsizliyinə və əsaslarına qarşı cinayətlərə görə məhkumluq haqqında, arxiv sənədləri ilə işləməyə imkan verməyən xəstəliklər haqqında arayış var.

Xaricdə daimi yaşayış və “dövlət təhlükəsizliyinə təhlükə yarada biləcək əməllərin aşkar edilməsi” də qadağa üçün əsaslara aiddir. Sonuncu mücərrəd bənd istənilən şübhəli fiziki şəxsin araşdırma aparmasına qadağa üçün əsasdır.

Gündəlikdə həmçinin Mülki Məcəlləyə, İnzibati Xətalar Məcəlləsinə, Şəhərsalma Məcəlləsinə, habelə “Avtomobil yolları haqqında”, “Dövlət rüsumları haqqında”, “İcbari sığorta haqqında”, “Kəşfiyyat və əks-kəşfiyyat haqqında” qanunlara və digəri qanunverici aktlara dəyişikiklər və əlavələrin müzakirəsi var.

Milli Məclisin reqlamentinə əsasən, parlamentin yaz sessiyası mayın 31-də işini başa vurur. Növbədənkənar sessiyanın çağırılması üçün deputatların 2/3-nin imzası toplanmalıdır. -17D-