Həyatın hər anında Unibank-dan hər kəsə hədiyyə

«Unibank» "Hər anın öz krediti var" yeni kredit kampaniyasına start verir. 

Bankdan verilən məlumata görə, kampaniyada məqsəd vətəndaşlara həyatlarının hər bir anında maliyyə ehtiyaclarını ödəyəcək güzəştli kredit təklifini təqdim etməkdir. 

Beləliklə, Unibank”ın 2 faiz endirimlə olan “Körpə sevinci” krediti 3-24 aya verilir. Maksimal məbləği 5000 AZN (6100 USD) olan bu krediti valideynin şəxsiyyətini təsdiq edən sənəd, körpənin doğum haqqında şəhadətnaməsi və ya körpənin doğum faktını, vaxtını və yerini təsdiqləyən sənəd (forma 103 və ya forma 113), valideynin iş yerindən arayışı təqdim etməklə almaq mümkündür. Nağd qaydada verilən kreditin 2500 AZN (3100 USD) məbləğinə qədər zamin tələb olunmur. 

“Məktəb sevinci” krediti 2 faiz endirimlə verilir, maksimal məbləği 5 min manatdır. Şəxsiyyəti təsdiq edən sənəd, 1-ci sinif övladının doğum haqqında şəhadətnaməsi və iş yerindən arayış təqdim edən valideyn 3-24 ay müddətli krediti ala bilər. 2500 AZN/3100 USD məbləğə qədər kredit üçün zamin tələb olunmur. 

  “Tələbə sevinci” kreditinin maksimal məbləği 700 AZN təşkil edir və 3-12 ay müddətinə verilir. Bu krediti almaq istəyənlər zaminsiz, şəxsiyyəti təsdiq edən sənədi və qiymət cədvəlini təqdim etməklə bu imkandan yararlana bilərlər. 

Gənc mütəxəssislər 2 faiz endirimlə olan kreditləri 3-24 ay müddətinə maksimal məbləğ 5000 AZN /6100 USD-dək olmaqla ala bilər. 2500 AZN/3100 USD məbləğinə qədər zamin tələb olunmayan nağd kreditləri almaq üçün şəxsiyyəti təsdiq edən sənəd, iş yerindən arayış və əmək kitabçasını təqdim etmək kifayətdir. Qeydiyyata dair tələb yoxdur. 

“Təqaüdçü krediti” yaşı 65-dən yuxarı olmayan təqaüdçülərə şəxsiyyətini təsdiq edən sənəd və təqaüd alması haqqında arayışla verilir. 3-24 aylığa verilən kreditin maksimal məbləğ 5000 AZN/ 6100 USD-dək təşkil edir. 2500 AZN/3100 USD-dək məbləğdə kredit üçün zamin tələb olunmur. –15D--