![Hökumət yaxın dörd ildə yüksək ÜDM artımı proqnozlaşdırır](https://turan.az/resized/./turan-750-500-resize.webp)
Hökumət yaxın dörd ildə yüksək ÜDM artımı proqnozlaşdırır
Azərbaycan hökuməti prezident seçkiləri öncəsi 2014-2017-ci illər üzrə makroiqtisadi göstəricilərin proqnozunu açıqlayıb. Hesab edilir ki, ümumi daxili məhsulun artım tempi bu illərdə 5-6% olacaq və qeyri-neft sektorunun hesabına təmin ediləcək. Amma naməlum səbəbdən ÜDM-də özəl sektorun xüsusi çəkisi azalacaq.
İqtisadi İnkişaf Nazirliyinin proqnozuna görə, bu il ÜDM 54 740 mln manat olacaq. Bu, 2012-ci ildəkindən 4,5% çoxdur. 2014-cü ildə neft sektorunda ÜDM-in azalması 1,5% səviyyəsində qalacaq, ÜDM artımı 5,2% olacaq, deyə hökumət düşünür. Bu, qeyri-neft iqtisadiyyatında 10% artım hesabına mümkün olacaq. Qeyri-neft iqtisadiyyatının ÜDM-də xüsusi çəkisi 58,6%-dən (2013) 72,4%-ə artacaq (2017).
Hökumətin hesablamasına görə, 2014-cü ildə ÜDM strukturunda sənaye 42%, xidmət 33%, tikinti 12%, xalis vergi 7%, kənd təsərrüfatı 6% xüsusi çəkiyə malik olacaq.
İİN-ə görə, bu il özəl sektorun ÜDM-də payı 82,3 faiz olacaq, 2017-ci ildə 81,8%-ə düşəcək. Hökumət görünür hesab edir ki, dövlət (məsələn ARDNŞ-nin şəxsində) yenidən iqtisadiyyatın sükanı arxasına keçəcək. 08D
-
- İqtisadiyyat
- 8 Oktyabr 2013 12:54
İqtisadiyyat
-
Azərbaycan Dövlət Neft Şirkəti (ARDNŞ) və İtaliyanın Eni SpA şirkəti arasında enerji keçidinə dair Anlaşma Memorandumu imzalanıb. Bu barədə Azərbaycanın İqtisadiyyat naziri Mikayıl Cabbarov “X” sosial şəbəkəsindəki hesabında məlumat verib.
-
Azərbaycanın iqtisadiyyat naziri Mikayıl Cabbarov iyulun 29-da Türkiyənin “Kibar Holding” konqlomeratının sədri Ali Kibar ilə görüşüb. Görüş zamanı ikitərəfli əməkdaşlığın gücləndirilməsi, sənaye istehsalına investisiyaların artırılması və enerji sektorunda tərəfdaşlıqların dəstəklənməsi məsələləri müzakirə edilib.
-
Azərbaycan Respublikasının Nazirlər Kabineti Rəqabət Məcəlləsinin 30.1-ci maddəsində göstərilən ərizə formasını təsdiq edib. Bu qərar Azərbaycan Respublikası Prezidentinin 2023-cü il 2 dekabr tarixli 1051-VIQ nömrəli Fərmanına uyğunlaşdırılması və Rəqabət Məcəlləsinin tətbiqi ilə bağlı normativ tələblərin həllinə yönəlib.
-
Azərbaycan Prezidenti İlham Əliyev 2025-ci ilin yanvar ayından qüvvəyə minəcək Azərbaycan Respublikasının Torpaq Məcəlləsində dəyişiklik edilməsi haqqında fərman imzalayıb. Qanunvericilikdə edilən dəyişikliklər kənd təsərrüfatı torpaqlarının idarə edilməsi və istifadəsinin təkmilləşdirilməsinə, habelə tənzimləmə proseslərinin təkmilləşdirilməsinə yönəlib.
Rəy yaz