Dominikan Respublikası və Honduras Azərbaycanın Ümumdünya Ticarət Təşkilatına üzvlüyü üzrə danışıqlarda prioritet hüquqa (initial negotiating right) iddia edir. Onların müəyyən məhsul üzrə tarifləri dəyişdirmək arzuları, yəqin ki, ticarət dövriyyəsi az olduğu üçün baş tutmayacaq.
Xarici işlər nazirinin müavini Mahmud Məmmədquliyev deyib ki, hazırda bu məsələ araşdırılır, çünki belə hüququ bütün ölkələrə təqdim etmək olmaz. Təcrübəyə əsasən, danışıqlara müstəsna hüquq ixrac etdiyi məhsulun payı ümumi idxalda 30 faizi ötən ölkəyə verilir.
Gömrük Komitəsinin məlumatına görə, Azərbaycanla Dominikan Respublikası arasında əmtəə dövriyyəsi ilin I yarısında $15,35 min (hamısı idxaldır, əmtəə dövriyyəsinin 0,0001%-i) olub, il ərzində 34,2% artıb.
Bu il Hondurasla əmtəə dövriyyəsi qeydə alınmayıb, ötən il bu ölkədən $110 məbləğində mal idxal edilib.
Azərbaycan 1997-ci ildən ÜTT-də müşahidəçidir. ÜTT üzvləri ilə danışıqlar 2004-cü ildə başlayıb. Hazırda 18 ölkə ilə danışıqlar gedir. –17D
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz