Azərbaycan Horvatiya şirkətlərini kənd təsərrüfatı, turizm, texnologiya və kimya sənayesinə investisiya qoymağa çağırıb.
Turan məlumat verir ki, çərşənbə axşamı Azərbaycan-Horvatiya biznes-forumunda bunu Azərbaycan İxracın və İnvestisiyaların Təşviqi Fondunun (AZPROMO) rəhbəri Rüfət Məmməov bildirib.
Biznes-forum Horvatiya prezidenti Kolinda Qrabar-Kitaroviçin Bakıya səfəri çərçivəsində keçirilir.
Tədbirdə çıxış edən Horvatiya İqtisadiyyat Palatasının prezidenti Luka Buriloviç bildirib ki, 2015-ci ildə Horvatiyadan Azərbaycana ixrac 396 mln. dollar təşkil edib ki, bu da 2014-cü illə müqayisədə 14% çoxdur. Azərbaycan Horvatiyaya 392 mln. dollar həcmində məhsul ixrac edib.
Səfər çərçivəsində Horvatiya prezidenti SOCAR prezidenti Rövnəq Abdullayev ilə görüşüb. O bildirib ki, Horvatiyada Azərbaycan qazının İon-Adriatik boru kəmərilə Balkan ölkələrinə nəqlini səbirsizliklə gözləyirlər.
Öz növbəsində R.Abdullayev deyib ki, SOCAR və Horvatiya, Albaniya, Bosniya və Herseqovina, Monteneqro arasında İon-Adriatik qaz kəmərinin (Ionian-Adriatic Pipeline - IAP) inşasına dair qarşılıqlı anlaşma haqqında memorandum regionun enerji təhlükəsizliyi baxımından mühüm addımdır.71D-
İqtisadiyyat
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
-
Alman-Azərbaycan Ticarət Palatası (AHK Azərbaycan) 18 dekabr 2024-cü ildə Bakıda ikiillik Üzvlərin Ümumi Yığıncağını keçirdi. Tədbirdə Palatanın nailiyyətlərini müzakirə etmək və gələcək planları müəyyənləşdirmək üçün 80-dən çox biznes nümayəndəsi bir araya gəldi.
Rəy yaz