İİN qeyri-neft sektorunun prioritetliyi barədə düşünür

Gələn il qeyri-neft sektorunda artım 18% olacaq, deyə Milli Məclisin iclasında iqtisadi inkişaf naziri Şahin Mustafayev bildirib. 

Onun sözlərinə görə, bu, yeni sənaye müəssisələrinin işə düşməsi sayəsində mümkün olacaq (1 iyula kimi 50 müəssisə və istehsal sahəsi istismara verilib). Növbədə 120 toxuculuq və tekstil fabriki, kağız və karton emalı, plastik məmulatlar, elektrik avadanlığı müəssisələri var. Regionlarda müəssisələrin yaradılması prioritetdir – 1 iyula kimi 170 müəssisə işə düşüb, 450-si növbədədir.  Bu, qeyri-neft sektorunda artımı 2014-2017-ci illərdə 11 – 11,2%-ə çatdırmağı real edir. 

Hökumət kimya sənayesinə xüsusi ümid bəsləyir – gələn il burda 66,4%,  2014-2017-cü illərdə 18,7% artım gözlənilir. Bu tədbirlər ÜDM-də  qeyri-neft sektorunun payının artmasına gətirib çıxaracaq (70% və çox).

Nazirin sözlərinə görə, bu, adambaşına gəlirlərə də təsir edəcək (ildə 6,6% artım gözlənilir).

Mustafayev neftin qiyməti məsələsinə də toxunub. Bu gün barrel üçün $100 rasionaldır, 2014-17-ci illərdə yəqin $80 olacaq.

2013-cü ildə ABŞ dollarının məzənnəsi manata nisbətdə dəyişməyəcək (min dollar 785 manat). Nazir istehlak inflyasiyasını 5,7% proqnozlaşdırıb. --17D—