İki avtomagistralın tikintisi 20 mln manat bahalanıb

Azərbaycan Respublikasının Nazirlər Kabineti 11 dekabr 2012-ci il traixli, bir sıra dövlət investisiya layihələrinin maliyyələşməsinə yenidən baxılmasını nəzərdə tutan qərarları açıqlayıb. Onların arasında vacib yol-nəqliyyat infrastrukturu obyektləri var. Nəticədə bu il istismara veriləcək iki yol layihəsi 19,8 mln manat bahalanıb. 

Nazirlər Kabinetinin sərəncamı ilə “Yevlax-Gəncə avtomobil yolunda əlavə 2 zolağın tikintisi” layihəsində  dövlətin payının artırılması üçün 8 861 min manat ayrılıb. 2012-ci ildə bu məqsədlə 12 mln manat arılmışdı. Bu layihə Koreyanın Şinhan Bankı ilə birgə maliyyələşdirilir. Koreya tərəfi 2008-ci ildə layihəyə $165 mln ayırıb. Amma Azərbaycan hökuməti bu barədə məlumat verməyib. Avtoyolun uzunluğu 87,23 km-dir. Layihə həmçinin 15 körpü, 5 piyada keçidi, 9 avtobus dayanacağı, iki heyvan keçidi tikintisi və təmirini nəzərdə tutur. Yol 2012-ci ilin I yarısında istismara verilməli idi. 

Hacıqabul-Kürdəmir 2 zolaqlı avtomobil yolunda əlavə 2 zolaqlı yolun tikintisi layihəsində Azərbaycan tərəfinin payı üçün 10,9  mln  manat ayrılıb. 2011-2012-ci illərdə bu layihəyə dövlət investisiyaları 28,3 mln manat olub. İlkin olaraq layihənin qiyməti $352 mln göstərilib. Bunun  85%-i Komercni banka A.S (Çexiya) maliyyələşdirir. Bu yolun genişləndirilməsi 2011-ci ilin yayında başlayıb. Bu layihə çərçivəsində 5 yol qovşağı, Girdman çayı üzərindən 72 metr uzunluğunda 4 körpü tikiləcək. 08B