Nazirlər Kabineti Azərbaycan Beynəlxalq Bankınn nizamnamə kapitalına 50,2 mln manat yönəldib

Nazirlər Kabineti ötən il dekabrın 6-da şühbəli qərar verib. Bu barədə məlumat bu həftə açıqlanıb. Hökumət «Maliyyə Nazirliyinin təklifini nəzərə alaraq» Azərbaycan Respublikasının 2012-ci ilin dövlət büdcəsində nəzərdə tutulmuş Ehtiyat Fondundan “Azərbaycan Beynəlxalq Bankı” Açıq Səhmdar Cəmiyyətinə 50.200.000 manat məbləğində vəsait ayırıb. 

Məlumdur ki, hələ 2012-ci ilin martında bankın səhmləri yerləşdirilməyə başlamamış dövlətin payına düşən emissiyanı ödəyib. Bu barədə ABB İH sədri Cahangir Hacıyev bəyan edib. Bankın 2012-ci ilin I yarısı üzrə hesabatına əsasən, nizamnamə kapitalı 290 mln manatı keçib. Başqa sözlə, səhmlərin 50,2%-i rəsmi yerləşdirməyə start verilən 4 iyundan tez ödənilib.    

Bankda Turan-a deyiblər ki, dövlət yenidən səhm almır. Mətbuat xidməti Nazirlər Kabinetinin dekabrın 6-dakı 319S qərarını şərh etməkdən imtina edib. Ehtimal etmək olar ki, Maliyyə Nazirliyi bankın kapital adekvatlığının yaxşılaşdırılması üçün yeni emissiyada dövlətin payını ödəməyə tələsib. İlin sonunda isə qərara alınıb ki, iş-işdən keçəndən sonra pul əməliyyatı hökumət səviyyəsində rəsmiləşdirilsin.  

ABB-nin səhm emissiyası onun nizamnamə kapitalını 340 mln manata artırmağa imkan verəcək. 08B