IKT sektorunda ilk layihə müsabiqəsi

IKT sektorunda ən yaxşı innovativ və elmi-texnki layihələr üzrə ilk layihə müsabiqəsi elan edilib.

İnformasiya Texnologiyalarının İnkişafı Dövlt Fondunun məlumatına görə, beş istiqamət müəyyən edili. «Müasir texnologiyalar əsasında informasiya şəbəkələrinin yaradılması», “Mütərəqqi proqram təminatının hazırlanması”, “İnnovativ İKT məhsulları nümunələrinin hazırlanması”, “İnnovativ infrastrukturun inkişafı, o cümlədən yeni texnologiyaların inkişafı və onların kommersiyalaşdırılması”, “İKT xidmətlərinin genişləndirilməsi, o cümlədən internet xidmətlərinin inkişafı”.

Layihələrin qəbulu 2 aprel 2014-cü il tarixdən başlayır və 2 may 2014-cü il tarixdə başa çatır. Qiymətləndirmə meyarları bunlardır: layihənin kommersiyalaşdırılma potensialı, innovasiyayönümlü olması və aktuallığı, yerli və xarici investorların cəlb olunması ehtimalı, ayihənin gələcəkdə ölkə üçün sosial-iqtisadi əhəmiyyəti, nəticələrinin əhatəliliyi və onun genişləndirilməsi mümkünlüyü və s.

2013-14-cü illərdə Fond dövlət büdcəsindən 5 mln manat alıb. Fond kreditləri müvəkkil banklar vasitəsilə verir (Rabitəbank, PASHA Bank, VTB Bank (Azerbaijan), DəmirBank və Bank Respublika).

Fondun xətti ilə kiçik kreditlər (10-50 min manat), orta kreditlər (50-500 min manat) verilir. 10 illiyə verilən kreditlər 500 min - 5 mln manat olur. Vəsaitlər illik 1%-lə verilir.

Qaytarılmayan kreditlər də var. Kiçik qrantlar 10-100 min manat, orta 100-200 min manat, irilər 200-300 min manatdır. --17D—