İlin əvvəlindən istehlak inflyasiyası 4% olub

İqtisadi Tədqiqatlar Mərkəzi (İTM) 2012-ci ilin sentyabr ayı ərzində apardığı qiymətlərin statistik müşahidəsinin nəticələrini təqdim edib. Həmçinin ilin əvvəli və ötən ilin eyni dövrü ilə müqayisə aparılıb. Bu, risklərin nisbi həcminin beynəlxalq sistemindən (VAR) hesablanmış obyektiv göstəricidir.   Təşkilatın icraçı direktoru Qalib Toğrul qeyd edib ki, ötən ay qiymətlər yenə artıb. Müşahidələr 10 regionda (ötən il 22) aparılıb. 

Aparılmış statistik müşahidələrin nəticələrinə görə, ay ərzində Azərbaycanda istehlak qiymətləri 1,43 faiz artıb. Bu, ilin bu dövrünə xasdır. Bakıda qiymətlər 1,98%, regionlarda 0,88% bahalanıb. 

Ərzaq malları 1,98% (Bakıda 2,62%, rayonlarda 1,36%) bahalanıb. Qeyri-ərzaq malları 1,31% bahalanıb (Bakıda +2,19%, rayonlarda +0,45%) olub. Xidmət tarifləri (+0,09%) az bahalanıb – paytaxtda 0,05%, regionlarda 0,14% artım olub. 

İlin əvvəlindən istehlak qiymətləri 4% artıb (paytaxtda + 6,7%, regionlarda 1,34%). Ərzaq 6,12%, xidmətlər 2,95%, qeyri-ərzaq malları 0,49% bahalanıb. 

   Ərzaq inflyasiyası 12 ayda əvvəlki analoji dövrlə müqayisədə 7,36% olub. Ərzaq malları 11,84%, qeyri-ərzaq malları 0,59%, xidmətlər 4,59% bahalanıb. Bakıda qiymətlər 11,17%, regionlarda 3,62% artıb. --17D-