İlin əvvəlindən "Şahdəniz" qazının ixracı 10,8% azalıb

"Şahdəniz"  yatağından Cənubi Qafqaz boru kəməri ilə xarici bazarlara qaz tədarükü azalır. 

Belə ki, Dövlətstatkoma görə, 1 noyabr 2012-ci il üçün "Şahdəniz"  yatağından bu kəmərlə 3,3 mlrd m3 qaz ixrac edilib. Bu, 2011-ci ilin eyni dövründəkindən 400 mln m3 və ya 10,8% azdır. 

Cənubi Qafqaz boru kəməri ilə qaz ixracı cədvəli:

Aylar                 Həcm (mln m3)

Yanvar             434,7

Fevral             427,9

Mart             437,4

Aprel             300,0

May             200,0

İyun             400,0

İyul             300,0

Avqust         100,0

Sentyabr         400,0

Oktyabr         300,0

Cəmi             3300,0

Qeyd edək ki, 2011-ci ildə Cənubi Qafqaz Boru kəməri ilə xarici bazarlara 4,5 mlrd m3, 2010-cu ildə 4,9 mlrd m3, 2009-cu ildə 4,9 mlrd m3 qaz göndərilib. 

Cənubi Qafqaz boru kəməri ilə Gürcüstan və Türkiyəyə "Şahdəniz"  yatağından çıxarılan qaz ixrac edilir. Onun alıcıları BOTAS (Türkiyənin şərq rayonları üçün), BTC Co. (Gürcüstan və Türkiyə ərazisində Bakı-Tbilisi-Ceyhan kəmərinin nasos stansiyaları üçün) və Gürcüstan Qaz Korporasiyasıdır (Gürcüstanın daxili bazarı üçün regional qiymətlərlə alır). "Şahdəniz"  qazını Azerbaijan Gas Supply Company şirkəti satır. --12B—