İmtiyazlı pensiyaçıların büdcəsi 2015-ci ilə kimi 2 dəfə artacaq

2015-ci ildə  60 min imtiyazlı pensiyaçı (dövlət qulluqçuları, hakimlər, prokurorluq əməkdaşları başqa hüquq mühafizə orqanı işçiləri – cəmi 60 min nəfər) orta hesabla ayda 791,67 manat pensiya alacaq. 2015-ci ilə kimi pensiya islahatı proqramına əsasən, bunun üçün 570 mln manat ayrılacaq. 2013-cü ildə bunun məqsədlə 262 mln manat nəzərdə tutulub. 

Azərbaycan 2020: Gələcəyə baxış» beynəlxalq konfransında  Dövlət Sosial Müdafiə Fondunun sədri Səlim Müslümov jurnalistlərə məlumat verib ki, hökumətin hazırlayacağı pensiya təminatı konsepsiyası strateji sənəddir. DSMF uzunmüddətli perspektivdə maliyyə bazarının tam hüquqlu üzvü olacaq. Bundan sonra pensiya təminatı xətti ilə maliyyə axınının ayrılması labüddür. Əgər bu gün büdcə kəsirsizdirsə, konsepsiyanın işlənilməsi ona gətirib çıxaracaq ki, DSMF bir neçə kanal hesabına, o cümlədən əməkdaşlarının sayı və onların əmək haqqı barədə məlimatları gizlədən iş verənlərin düzgünlüyü hesabına pul qazanacaq. 2015-ci ilə Azərbaycanın milli qəhrəmanlarının, şəhid ailələrinin, birinci Qarabağ müharibəsi və İkinci dünya müharibəsi veteranlarının, həmçinin repressiya qurbanları və sonradan reabilitasiya olunan vətəndaşların əmək pensiyasının baza hissəsinin iki dəfə artırılması planlaşdırılır - gələn il üçün 49 mln. manat tələb olunacaq. 

Bundan əlavə gələn il birinci qrup əlillərin pensiyalarının baza hissəsi 20%, gözdən əlillərin (həmçinin birinci qrup) 100% artırılacaq. Bu da əlavə 12,5 mln manat. 

AR parlamentinin iclasında qeyd olunduğu kimi, dövlət büdcəsindən DSMF-a transfert proqnozları 1 mlrd. 77 mln. manat həcmində müəyyənləşdirilib, ümumi defisitsiz büdcə isə təxminən 2,63 mlrd. manat təşkil edəcək. --17D—