2016-cı ildə yerli özəl şirkətlərdə inşaat sektorunda işləyənlərə orta hesabla ayda 389 manat 10 qəpik verilib. Bu, ötən ildəkindən 7,4% azdır, deyə Dövlətstatkomda Turan-a bildiriblər. Halbuki ölkədə istehlak qiymətləri 12,4% bahalanıb.
2016-cı ildə yerli özəl şirkətlərdə işləyənlərin sayı 45 min nəfərə yaxın olub. İşçilərin sayı 4,2% azalıb. Dekabrda özəl şirkətlərdə 39,8 min muzdlu işçi çalışıb.
DSK-nın məlumatına görə, 2016-cı ildə inşaat sektorunda orta aylıq əmək haqqı 811 manat 90 qəpik olub. Bu, 2015-ci ildəkindən 20,4% çoxdur. Tikintidə əmək haqlarının artımı əsasən 24,9 min nəfərin (2016-cı il) işlədiyi xarici kapitallı şirkətlərin hesabına olub. Onlara ayda orta hesabla 1781 manat 60 qəpik ödənilib. Bu, 2015-ci ildəkindən 41,2% çoxdur.
2016-cı ildə dövlət şirkətlərində inşaatçıların sayı dəyişməyib və 25,6 min nəfər təşkil edib. Onlar ayda orta hesabla 525,4 manat (vergi və sosial ayırmalar nəzərə alınmaqla) alıb.
2016-cı ildə şirkətlərdə inşaat sektorunda işləyənlərin sayı 95,6 min nəfər (-2,6%) olub. 08B
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz