İnvestorların hüquqlarının müdafiəsi üzrə nəzarətin həyata keçirilməsi qaydaları ləğv edilib
Azərbaycan Respublikasinin Qiymətli Kağizlar üzrə Dövlət Komitəsinin qərarı ilə (http://huquqiaktlar.gov.az/StatementDetails.aspx?statementId=32034) 2000-ci ildən qüvvədə olan "Azərbaycan Respublikasının qiymətli kağızlar bazarında qanun pozuntularının aradan qaldırılması və investorların hüquqlarının müdafiəsi üzrə nəzarətin həyata keçirilməsi Qaydaları"nı ləğv edib.
Qərar dekabrın 19-da qəbul edilib və 30-da qüvvəyə minib.
Bir qayda olaraq QKDK investorların hüquqlarını bərpası üçün tədbir görəndə bu sənədə əsaslanırdı. Bundan sonra bu qurum investorların hüquqlarını müdafiə edəndə «Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanunu (29 avqust 2013-cü ildə qüvvəyə minib), eləcə də «Qiymətli kağızlar bazarında investorların hüquqlarının müdafiəsi haqqında» (26 oktyabr 2000-ci il) qanunu rəhbər tutacaq.
2014-cü ilin yanvar-noyabrında QKDK 353 sahibkarlıq subyektində investorların hüquqlarının pozulması faktı üzrə cərimə sanksiyaları tətbiq edib. Cərimələrin ümumi məbləği 432,5 min manat olub. Bu, 2013-cü ilin eyni dövründəkindən 2,7 dəfə çoxdur. 08B
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz