FHN buğda almaq üçün yeni maliyyə alıb

Fövqəladə Hallar Nazirliyi Dövlət material ehtiyatlarının yaradılması ilə bağlı dövlət büdcəsindən 5,6 mln manat alacaq. Amma praktikada bu quruima daha çox xəzinə vəsaiti ayrılır və onlar qeyri-şəffaf yolla xərclənir.

Son 5 ildə FHN dövlət büdcəsindən hər il 5,6 mln manat alıb. Amma bu, buğda ehtiyatı yaratmaq üçün yeganə mənbə deyil. Məsələn, 2010-cu ildə maliyyə naziri məlumat verdi ki, 250 min ton buğda alınması üçün Nazirlər Kabinetinin Ehtiyat Fondundan Dövlət Taxıl Fonduna əlavə 50 mln manat ayrılıb.

Bir qayda olaraq, hökumət Dövlət Taxıl Fondunun maliyyələşməsi barədə informasiyanı açıqlamır. Yalnız 2012-ci ildə Nazirlər Kabineti sərəncamını açıqladı. Sənədə əsasən, FHN Nazirlər Kabinetinin Ehtiyat Fondundan 24 mln  908,4 min manat alıb. 

Dövlət Taxıl Fondu «Dövlət sirri haqqında» qanuna əsaslanaraq dövlət taxıl ehtiyatını və məsələnin maliyyə tərəfini açıqlamır. 2014-cü ildə taxıl ehtiyatı 750 min ton olmalı idi.

FHN-in Bakı və Xırdalanda iki iri unüyütmə kombinatı var. Onlar buğda alınmasında birbaşa iştirak edir. Ötən mövsümdən qalan qalıq bazarda onların vasitəsilə satılır. Kəmaləddin Heydərovun oğullarının holdinqi 2013-cü ildən çörək biznesinə də qoşulub.

Dövlət buğda ehtiyatı yalnız idxal hesabına formalaşır. FHN formal olaraq yerli bazardan da aldığını bildirir. Baş nazir Artur Rasizadənin 2012-ci iolin sentyabr ayındakı sərəncamında təcili xaricdən buğda satın alınması tapşırılırdı.   08B