İqlim dəyişikliyi ilə bağlı risklər artır

Mayın 20-də Bakıda FHN və BMT İnkişaf Proqramının  təşkil etdiyi İqlim dəyişikliyi ilə bağlı rsiklərə dair seminar kçeirilib.

“Böyük Qafqaz regionunda zəif dağ icmaları tərəfindən su və daşqınlar üzrə idarəetməyə iqlim dəyişikliyi risklərinin daxil edilməsi” adlı birgə layihəsi çərçivəsindəki tədbir daşqın və sellərin artması ilə bağlıdır.

Fövqəladə hallar nazirinin müavini Tapdıq Əmiraslanov bildirib ki, ölkənin dağlıq ərazisində yaşayan əhali və onların əmlakı daha çox risk altındadır. Onun sözlərinə görə, layihənin məqsədi su və daşqınlar üzrə idarəetməni təkmilləşdirməklə Azərbaycanın Böyük Qafqaz regionundakı dağ icmalarının su çatışmazlığı, sel və daşqın təhlükələrinə qarşı zəifliyini azaltmaqdır. Natiq bildirib ki, əhalinin marifləndirilməsi və vaxtında xəbərdar edilməsi üçün zəruri tədbirlər görülüb. "Hesab edirəm ki, məqsədə çatmaq üçün suyun idarə edilməsi üzrə yeni konsepsiya lazımdır", - deyə o qeyd edib.

Böyük Qafqazın cənubu 11 min kv km-dir və İsmayıllı, Oğuz, Qəbələ, Şəki, Zaqatala və Balakən rayonlarını əhatə edir. 2013-cü ildə tədqiqat üçün layihəyə 6 beynəlxalq və 7 yerli ekspert cəlb edilib. Proqram çərçivəsində 5 xarici və 10 yerli ekspert fəaliyyət göstərir. --17D—