İqtisadi İnkişaf Nazirliyi İlham Əliyevin on illik hakimiyyəti haqda broşür buraxıb
Deyəsən, seçkiöncəsi təbliğat-təşviqat kampaniyası məktəblərə də çatıb. Bakı, Sumqayıt, bəlkə, başqa rayonlarda şagirdlərə İlham Əliyevin on illik hakimiyyətinə həsr edilmiş broşürlər paylanılır.
Broşürü İqtisadi İnkişaf Nazirliyi yüksək poliqrafik səviyyədə çap etdirib. Tiraj və naşir barədə məlumat verilmir. Söhbət, yəqin ki, 100 mindən çox nüsxədən gedir. Çünki onları I sinifdən tutmuş XI sinfə kimi paylayırlar.
Broşürün adı «2003-2013: Məqsədlər, İnkişaf, Yekunlar» adlanır. Ölkədəki sosial-iqtisadi inkişaf proqramlarından danışan sənədlər çox siyasiləşdirilib. Uğurlar İlham Əliyevin adına yazılır. Məsələn, Sumqayıta həsr edilən 146 səhifədə prezidentin adı 31 dəfə çəkilir, 35 səhifədə fotosu verilib.
Broşürdə Sumqayıtın inkişafı rəqəmlərlə verilir. 10 ildə şəhərdə ümumi məhsul 1,5 dəfə, sənaye istehsalı 2,8 dəfə, orta aylıq maaş 6,9 dəfə artıb. Sahibkarlıq subyektləri kiçik ticarət hesabına 4,1 dəfə çoxalıb. Şəhərdə açılan yeni iş yerləri barədə şübhəli statistika da verilir. Qeyd edilir ki, 10 ildə şəhərdə 47 716 yeni iş yeri açılıb. Bunun 31 036-si daimidir. Amma Dövlətstatkoma görə, 2005-2011-ci illərdə şəhərdə tikinti işçiləri 1794-dən 1039-a, sənaye müəssisəsi işçiləri 16 399-dan 13 733-ə azalıb. Bu dövrdə Sumqayıtda 19 sənaye müəssisəsi fəaliyyətini dayandırıb, deyə DSK məlumat verir.
Dövlətstatkoma görə, 2005-ci ildə Sumqayıtın sənaye müəssisələrində işçilər ayda 105 manat, 2011-ci ildə 337 manat maaş alıb. 08D
İqtisadiyyat
-
2024-cü ilin iyul ayında Azərbaycan Respublikasının Dövlət Neft Fondu (DNF) valyuta satışında kəskin artım yaşadığını bildirərək, satış məbləğinin 826,3 milyon dollar olduğunu açıqladı. Bu rəqəm 2023-cü ilin iyul ayında qeydə alınan 272,7 milyon dollardan üç dəfə, 2024-cü ilin iyun ayında qeydə alınan məbləğdən isə iki dəfə yüksəkdir.
-
Dövlət Statistika Komitəsi 2024-cü ilin birinci yarısında Azərbaycanda taxıl istehsalının azaldığını, qarğıdalı da daxil olmaqla dənli və paxlalı bitkilərin ümumi istehsalının 1,96 milyon ton təşkil etdiyini açıqlayıb. Bu, ötən ilin eyni dövrü ilə müqayisədə 5,6% azdır.
-
Azərbaycan Prezidenti İlham Əliyev 2023-cü il iyulun 14-dən qüvvəyə minəcək “Ödəniş xidmətləri və ödəniş sistemləri haqqında” yeni qanuna uyğunlaşdırılması məqsədi ilə Prezidentin qüvvədə olan sərəncamlarında mühüm dəyişikliklər edilməsi haqqında fərman verib.
-
Azərbaycan prezidenti İlham Əliyev sektorun infrastrukturunun və investisiya bazasının yaxşılaşdırılması istiqamətində görülən geniş tədbirlər çərçivəsində turizm və rekreasiya zonalarını tənzimləyən yeni qaydaları təsdiq edib.
Rəy yaz