İqtisadiyyat Nazirliyi fevralın 4-də Yevlaxda yun istehsalının genişləndirilməsi, tədarük sisteminin qurulması, yunun ilkin emalı fabrikinin yaradılması, yunun daxili və xarici bazarlarda satışının təşkili və s. kimi məsələlərə həsr edilmiş müşavirə keçirib.
Qurumun mətbuat xidmətinin məlumatına görə, müşavirədə mütəxəssislərin xammal bazasının araşdırılması, tədarük sisteminin modelinin seçilməsi barədə təkliflərin dinlənilib. Eləcə də yun istehsalı və emalı sahəsində Çin, Avstraliya, Qazaxıstan və digər ölkələrin təcrübəsinin, texniki spesifikasiya və sertifikatlaşdırma sisteminin öyrənilməsi qərara alınıb.
Yevlaxda yunun ilkin emalı zavodu var, amma özəlləşmədən sonra praktik olaraq dayanıb.
Dövlətstatkomun məlumatına görə, 2016-cı ildə Azərbaycanda 16,7 min ton yun istehsal olunub. Bu, əvvəlki ildəkindən 2,1% azdır.
2016-cı ilin 9 ayında Azərbaycandan $95,2 min məbləğində 31,84 ton yun ixrac edilib.
Yanvarın 30-da “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının üçüncü ilinin yekunlarına həsr olunan konfransda dövlət başçısı hökumətə yun istehsalının, tədarükünün və ixracının artırılmasını vəzifə olaraq müəyyənləşdirib, bu il ən azı 10 tədarük məntəqəsinin yaradılmasını tapşırıb. 08D
İqtisadiyyat
-
Türk Dövlətləri Təşkilatının (TDT) Ticarət-Sənaye Palataları İttifaqı (TSPİ) 26 dekabr tarixində Bakıda Baş Assambleyasını keçirdi, üzv dövlətlər arasında dinamik iqtisadi artımı və dərinləşən inteqrasiyanı önə çəkdi. Azərbaycan və TDT-nin digər üzv dövlətlərini təmsil edən iş dünyası və dövlət rəhbərləri ticarət, investisiya və regional əlaqə layihələrini müzakirə etdilər.
-
Azərbaycanda düyü idxalı 2024-cü ilin yanvar-noyabr dövründə misli görünməmiş səviyyəyə çataraq həm daxili tələbatın artmasını, həm də qlobal ərzaq qiymətlərinin yüksəlməsini əks etdirib. Bu dövrdə ölkə 60,400 ton düyü idxal edib ki, bu da 2023-cü ilin eyni dövrü ilə müqayisədə həcmin 18.6% artması və dəyərin 35.3% yüksəlməsi deməkdir.
-
2022-2024-cü illər arasında Azərbaycan İpoteka və Kredit Zəmanət Fondu (İKZF) vasitəsilə 17,750 həyat sığortası müqaviləsi və 40,661 əmlak sığortası müqaviləsi imzalanıb. Bu, Fondun mənzil maliyyəsi və sığorta bazarlarının gücləndirilməsində artan rolunu əks etdirir. Bu rəqəmləri İKZF-in İpoteka Kreditləşməsi Departamentinin direktoru Rasim Abdullayev "Mənzil Maliyyələşdirməsi və Sahibkarlığa Dəstək Alətləri" seminarında açıqlayıb.
-
Bakı Şəhər Statistika İdarəsinin məlumatına görə, 2024-cü ilin ilk on bir ayında Bakıda əhaliyə göstərilən ödənişli xidmətlərin dəyəri 6,94 milyard manata çatıb ki, bu da 2023-cü ilin eyni dövrü ilə müqayisədə real ifadədə 9,2%-lik artımı əks etdirir.
Rəy yaz