Məzhəblərarası toqquşmalar islam dünyasına islamofobiyadan daha çox zərər vurur

“Məzhəblərarası toqquşmalar islam dünyasına, müsəlman coğrafiyasına xaricdən zərbə vuran islamofobiya qədər zərər vurmur”, - İslam Əməkdaşlıq Təşkilatının Gənclər Forumunun sədri Elşad İsgəndərov Şirazda “İƏT Gənclər paytaxtı – 2017” proqramının açılış mərasimində söyləyib.

2016-ci ildə  “İƏT Gənclər Paytaxtı”na ev sahibliyi edən İstanbuldan sonra İƏT gənclər və idman nazirləri (İƏT GİN) 3-cü konfransının qərarı ilə bu ada Malayziyanın Putrajaya, İranın Şiraz və Mərakeşin Fəs şəhərləri layiq görülüb.

E.İsgəndərov əsas hədəflərindən biri müsəlman dünyasının birliyi və əməkdaşlığı olan İKGF-in hər cür məzhəbçiliyə yönəlmiş ifratçılığa və təkfirçilik ideologiyasına qarşı oldugunu qeyd edərək bildirib: “Müsəlman coğrafiyasında ifratçılıq əsasında baş verən münaqişələrin dayandırılması üçün cəmiyyət öndərləri ilk növbədə öz məzhəblərindən gələn ekstremist cağırışları açıq şəkildə qınamalıdırlar və bu yöndə siyasi və mənəvi güclərini qətiyyətlə ortaya qoymalıdırlar”, - o bildirib.

Sürətlə artan islamofob təqiblər müsəlmanlar arasında sunni-şiə ayrılığı etmədən bütövlükdə müsəlman dünyası üçün təhlükə olmaqdadır. Ən azı, bu səbəbdan məzhəb ayrıcılıgının qarşısının alınması bütün İƏT ölkələri üçün vacib hədəf olmalıdır.

Günümüzdə məzhəblərarası xoşgörü, dialoq və əməkdaşlığın bir sıra parlaq nümunələri sırasında yüz illərdən bəri irfan ənənəsi əsasında vəhdət və qardaşlığın örnəyi olan Azərbaycan modelini göstərən E.İsgəndərov deyib ki, bu örnəklər və bu mesaj İƏT Gənclər Forumunun 2017-ci il ərzində “İƏT Gənclik Paytaxtı” proqramı çərçivəsində də həyata keçiricəyi fəaliyyətlərin mərkəzində duracaq.

Tədbir çərçivəsində İƏT Gənclər Forumu ilə İranın Gənclər və İdman Nazirliyi arasında “Gənclər Paytaxtı” proqramının həyata keçirilməsinə dair əməkdaşlıq protokolu imzalanıb.–06D—