İstehsalatda 82 nəfər ölüb

2012-ci ildə istehsalatda bədbəxt hadisələr nəticəsində 82  nəfər ölüb. Ötən illə müqayisədə ölənlərin sayı 15 nəfər azalıb. Müstəqil ekspertlərin fikrincə, vəziyyət hələ də kritikdir. 

Əmək və Əhalinin Sosial Müdafiəsi Nazirliyinin məlumatına görə, ötən il təhlükəsizlik texnikasına əməl olunmaması üzündən 159 nəfər müxtəlif dərəcəli xəsarət alıb. Bu, 2011-ci ildəkindən 52 nəfər (25%) azdır. Bədbəxt hadisələrin əsas hissəsi tikinti sektorundadır. 

2012-ci ildə neft sektorunda 12 nəfər ölüb, 46 nəfər xəsarət alıb. Neftçilərin Hüquqlarının müdafiəsi Komitəsinin rəhbəri Mirvari Qəhrəmanlı Turan-a bildirib ki, hətta bir ölüm hadisəsi olsa belə, əmək təhlükəsizliyi ilə bağlı vəziyyəti sabit adlandrmaq olmaz. Ötən il dövlət sektorunda və quruda neft hasil edən şirkətlərdə əmək şəraitinin yaxşılaşması istiqamətində ciddi addımlar atılıb. BP və onun podratçılarında vəziyyət daha yaxşıdır. 2012-ci ildə orda istehsalatda ölüm hadisəsi olmayıb. 08B