Kapital qoyuluşunun qeyri-neft istiqaməti

Dekabrın 1-i üçün iqtisadiyyata kapital qoyuluşu 14 mlrd 693,1 mln manat (ötən ilin eyni dövrü ilə müqayisədə +0,3%) təşkil edib.

Dövlət Statistika Komitəsinin məlumatına görə, bunun 67,2%-i və ya 9 mlrd 870,9 mln istehsalat təyinatlı obyektlərə, 4 mlrd 822,2 mln manat xidmət sahəsində obyektlərin inşasına yönəldilib. Xarici investisiyaların xüsusi çəkisi 30% və ya 4 mlrd 400,6 mln manat olub.

Yanvar-noyabr aylarında neft sektoruna 5 mlrd 424,1 mln. manat (bütün kapital qoyuluşlarının 36,9%-i), qeyri-neft sektoruna (icrasının yoxlanması çətin olan layihələrə) 9 mlrd 269 mln. manat (bütün kapital qoyuluşlarının 63,1%-i) həcmində investisiya qoyulub.

Vəsaitlərin 73,8%-i tikinti-quraşdırma işlərinin payına düşüb - 10 mlrd 843,5 mln manat.

Dövlət müəssisə və təşkilatlarının xüsusi çəkisi 7 mlrd 628,3 mln manat (+28,4%), büdcə vəsaitləri 5 mlrd 717,1 mln manat (mənfi 17,4%) təşkil edib. Bank strukturları 494,9 mln manat (mənfi 34,3%), büdcədənkənar fondlar 304,4 mln manat (mənfi 38,3%) kapital qoyuluşu həyata keçirib. Əhalinin payı 482,2 mln manat (+ 17,6%) «başqa mənbələrin» payı 66,2 mln manat (mənfi 33,8%) olub. --17D—