2012-ci ilin yanvar-avqustunda bankların kassalarına ümumi nağd vəsait mədaxili 20,341 mlrd manat olub. Bu, ötən ilin müvafiq dövrü ilə müqayisədə 38,9% çoxdur.
Daha çox payı xarici valyuta satışı təmin edib – 32,2%. Mal satışı 16,9%, kreditlər üzrə mədaxil 7,9%, bankomatlar vasitəsilə mədaxil 4,8%, xidmət və işə görə mədaxil 4,2%, əmlak alınan zaman notarial hesablara mədaxil 3,8%, depozit hesablarına mədaxil 3,6% və s. paya malik olub.
Azərbaycan Mərkəzi Bankının məlumatına görə, kassa dövriyyəsinin kəsiri 962 mln manat (avqustda +127 mln manat) təşkil edib. Nağd pul xərcləri hesabat dövründə 21,303 mlrd manat olub. Bu, ötən ilin eyni dövründəkindən 35,6% çoxdur. Ümumi xərclərdən 28,5% mal və xidmət xərcləri, 26,6% bankomatların pulla təchizatı ilə bağlı xərclər, 10,3% xarici valyuta alışı xərcləri, 6,1% kreditlər üzrə ödəniş, 4,7% əmlak əqdləri üzrə notarial hesablardan xərclər, 3,3% depozit hesabından ödənişlər və s. olub.
8 ayda kassa qalığı 347 mln manat olub. Bu, həmin dövrdəki nağd mədaxilinin 1,7%-dir.
Günlük nağd pul mədaxilinin orta həcmi 83,366 mln manat, xərclərin orta həcmi 87,310 mln manat olub. --15B--
İqtisadiyyat
-
Cənub Qaz Dəhlizi (SGC) 2026-cı ilin yanvarından etibarən ən azı illik 1,2 milyard kubmetr həcmində genişlənəcək. Bu artımın səbəbi onun Avropa seqmenti olan Trans Adriatik Boru Kəmərinin (TAP) gücünün artırılmasıdır. Bu vaxta qədər TAP vasitəsilə hidrogen və digər aşağı karbon qazlarının qarışığının nəqli imkanlarının dəqiqləşdirilməsi gözlənilir.
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
Rəy yaz