Əmlak Məsələləri Dövlət Komitəsi bu ilin 9 ayında özəlləşmənin gedişi barədə qısa məlumat yayıb.
Deyilən dövrdə 530 kiçik müəssisə və obyekt, qeyri-yaşayış binası, yarımçıq tikili və s. özəlləşdirilib. 2012-ci ildə bu göstərici 600-ə yaxın idi. Bu ilin 9 ayında özəlləşdirilən obyektlərin altındakı 510 torpaq sahəsi (2012-ci ilin 9 ayında 370) satılıb. Hərraclarda 30 SC-nin səhm paketi (2012-ci ilin 9 ayında 30 SC) satılıb.
ƏMDK özəlləşmə prosesinə elektron xidmətləri buraxmır. Azərbaycanda özəlləşdirmə nəzarətsizdir. Obyektlər start qiymətinə satılır. Bu qiymətlər bazar qiymətindən bir neçə dəfə ucuz olur.
ƏMDK özəlləşmədən dövlət büdcəsinə daxil olan mədaxil barədə informasiyanı açıqlamır. ƏMDK mətbuat xidmətinin rəhbəri Qulu Xəlilov Turan-a deyib ki, saytda yazılandan başqa informasiay verilməyəcək.
1 oktyabr 2013-cü il üçün Daşınmaz Dövlət Əmlakı Registrində 6262 hüquqi şəxs statuslu dövlət müəssisəsi və onların 7591 filialının (cəmi 13853) malik olduğu 150624 daşınmaz əmlakı barədə məlumatlar qeydiyyata alınıb. Bu ilin 9 ayında 9606 yeni əmlak barədə məlumatlar Registrə daxil edilib. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz