![Koporativ bazarda 6% artım](https://turan.az/resized/./turan-750-500-resize.webp)
Koporativ bazarda 6% artım
Yanvarda qiymətli kağızlar bazarının korporativ seqmenti 6% genişlənərək 322,7 mln manata çatıb. Artım korporativ istiqrazların təkrar dövriyyəsinin yüksəlməsi hesabına olub, deyə Qiymətli Kağızlar üzrə Dövlət Komitəsi bildirir.
Korporativ bazarın 93,7%-i (302,6 mln manat) istiqrazların payına düşür. Korporativ istiqrazlar bazarında 2014-cü ilin yanvarı ilə müqayisədə 54% artım olub. Yanvarda iqtiqrazların yerləşdirilməsi (13 mln manat) 42% azalıb.
Səhm bazarında 81% azalma qeydə alınıb. Yeddi əqdlə 18,6 mln manatlıq səhmlər yerləşdirilib. Ötən ilin yanvarında 105 investordan 106,7 mln manat cəlb edilmişdi. Təkrar səhm bazarının həcmi 1,5 mln manat olub. Amma bu cüzi dövriyyə ötən ilin yanvarındakından 3 dəfə çoxdur. Alqı-satqı predmeti əsasən kiçik səhm paketləridir.
QKDK-nın hesabatına əsasən, yanvarda dövlət qiymətli kağızları üzrə aktivlik minimuma düşüb, onlarla repo əməliyyatlar praktik olaraq olmayıb. Əməliyyat həcmi 97% azalaraq 33,6 mln manat təşkil edib.
Törəmə qiymətli kağızlar bazarının analizi göstərir ki, investisiya alətləri təklifinin azlığı hiss edilir. Yanvarda BFB-də FOREX üzrə əqd sayı 6971 olub. Bu, korporativ və DQK seqmentlərindəkindən 14 dəfə çoxdur. Bu əqdlər üzrə əməliyyat həcmi 1,5 mlrd manatı keçib. 08D
-
- İqtisadiyyat
- 10 Fevral 2015 12:45
-
- Siyasət
- 10 Fevral 2015 13:03
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz