Korporativ QK bazarında 12% azalma

2015-ci ildə Azərbaycanda korporativ qiymətli kağızlar bazarının dövriyyəsi 4 mlrd 186,1 mln manat olub. Bu, əvvəlki ildəkindən 12% azdır.

2014-cü ildə olduğu kimi, bazarda əsas oyunçu dövlət olub. 2014-cü ildə «Cənub qaz dəhlizi» QSC-nin istiqrazlarını alıb və yerləşdirib, ötən il bu alət «Aqrarkredit»in istiqrazları olub. Təkrar bazarda İpoteka Fondunun istiqrazlarına daha çox tələbat olub.

Qiymətli Kağızlar üzrə Dövlət Komitəsinin məlumatına görə, ötən il səhmlərlə əməliyyat həcmi (657 mln manat) 49% azalıb. Onların ilkin bazarı (272,8 mln manat) bankların kapitalına tələbin müddətinin keçməsi üzündən 76% azalıb. Qeyri-şəffaf təkrar səhm bazarı il ərzində 2,7 dəfə artıma nail olub və 384,1 mln manat təşkil edib.  

2015-ci ildə Azərbaycan banklarının səhm və istiqrazlarının alqı-satqısı üzrə 4 855 əqd bağlanılıb. Bu, 2014-cü ildəkindən 25,7% azdır.

Dövlət QK-nın (Maliyyə Nazirliyinin istiqrazları) alqı-satqısının həcmi ötən il 144,5 mln manat təşkil edib. Bu, 2014-cü ildəkindən 97% azdır.

Bakı Fond Birjasında törəmə QK üzrə əməliyyatlar (valyuta, metal, neft) daha aktiv olub. İL ərzində 6,2 mlrd manatlıq (+41%) 48,8 min əqd bağlanılıb.

2015-ci ildə Azərbaycanda qiymətli kağızlar bazarında əməliyyat həcmi 10,5 mlrd manat təşkil edib. Bu, 2014-cü ildəkindən 21% azdır.

Ekspertlər qeyd edir ki, bu il tələbatın təşviqi üçün addımlar atılmasa, qalan investorlar da bazardan gedəcək. 08D