![Maliyyə Nazirliyi 2016-cı ilin dövlət büdcəsinin icrası barədə hesabat verib](https://turan.az/resized/./turan-750-500-resize.webp)
Maliyyə Nazirliyi 2016-cı ilin dövlət büdcəsinin icrası barədə hesabat verib
Maliyyə Nazirliyi 2016-cı ilin dövlət büdcəsinin icrası barədə hesabat yayıb.
Turan-ın məlumatına görə, 2016-cı ilin icmal büdcəsinin gəlirləri 21581,6 mln manat, xərcləri isə 21406,0 mln manat icra olunub.
Dövlət büdcəsinin gəlirləri 104% və ya 16 mlrd 822 mln manat proqnoza qarşı 17 mlrd 501,2 mlrd manat icra edilib.
Vergilər Nazirliyi tərəfindən mədaxil proqnozu 100,1 faiz icra edilməklə dövlət büdcəsinə 7015,2 mln manat vəsait təmin edilib.
Həmin vəsaitin 77,1 faizi və ya 5408,2 mln manatı qeyri-neft sektorundan daxilolmaların payına düşür.
Dövlət Gömrük Komitəsi proqnoza 126,6 faiz əməl edərək dövlət büdcəsinə 2291,6 mln manat vəsait təmin edib.
2016-cı ildə dövlət büdcəsindən maliyyələşdirilən təşkilatların ödənişli xidmətlərindən 239,1 mln manat, maliyyə aktivlərinin yenidən qiymətləndirilməsindən 130,9 mln manat, verilmiş kreditlərin qaytarılması və dövlət zəmanətləri üzrə 68,8 mln manat, o cümlədən xarici kreditlər üzrə 54,2 mln manat, cərimə və sanksiyaların tətbiqindən 40,4 mln manat, sair daxilolmalardan 92,2 mln manat vəsait dövlət büdcəsinə daxil olub.
Dövlət Neft Fondundan dövlət büdcəsinə transfert 7615,0 mln manat olub.
Dövlət büdcəsinin xərcləri 95,9 faiz və ya 17742,4 mln manat icra edilib.
2016-cı il ərzində dövlət büdcəsi xərclərinin 11693,0 mln manatı və ya 65,9 faizi cari xərclərə, 4283,9 mln manatı və ya 24,1 faizi əsaslı xərclərə, 1765,5 mln manatı və ya 10,0 faizi dövlət borcuna və öhdəliklərinə xidmətlə bağlı xərclərə yönəldilib.
Dövlət büdcəsi xərclərinin 35,2 faizi və ya 6237,4 mln manatı sosial təyinatlı xərclərərin maliyyələşdirilməsinə yönəldilib.
Dövlət büdcəsinin kəsiri 242,1 mln manat təşkil edib. 71D
-
- Cəmiyyət
- 26 Yanvar 2017 14:02
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz