Gələn ilin dövlət büdcəsində neftin proqnoz qiymətləri 1 barelə görə 50 dollar səviyyəsində götürülüb, deyə Maliyyə Nazirliyi məlumat verir.
Dövlət büdcəsinin gəlirləri 14 566 milyon manat (-25,1%), xərcləri isə 16 264 milyon manat (mənfi 22,9%) səviyyəsində proqnozlaşdırılır. Büdcə kəsiri 1 mlrd 698 mln manat olacaq.
İlk dəfə mədaxildə Vergilər Nazirliyi lider olacaq - 6,6 mlrd manat (mənfi 7,2%). ARDNF büdcəyə 6 mlrd manat (- 42,2%), Gömrük Komitəsi 1,59 mlrd manat (dəyişməyib) köçürəcək. Qeyri-neft sektorundan mədaxil ümumi gəlirlərin 46,5%-i (+11,8%) təşkil edəcək.
Dövlət kapital qoyuluşu 48,7% azalaraq 3 mlrd 554,8 mln manat, ümumdövlət xərcləri 2 mlrd 416,9 mln manat (+18,1%), sosial müdafiə və təminat xərcləri 1 mlrd 896,6 mln manat (- 7,1%), müdafiə xərcləri 1 mlrd 837,8 mln manat (+ 3,3%), təhsil xərcləri 1 mlrd 713,5 mln manat (+ 0,1%), məhkəmə, hüquq mühafizə və prokurorluq orqanlarının saxlanma xərcləri 1 mlrd 138,8 mln manat (mənfi 7,2%), səhiyyə xərcləri 744,9 mln manat (mənfi 4,2%), mənzil-kommunal xərclər 416,8 mln manat (- 6,1%), mədəniyyət, incəsənət, informasiya, idman, humanitar xərclər 652,7 mln manat (artım 1,9 dəfə), elm xərcləri 131,7 mln manat (mənfi 12,5%) təşkil edəcək.
İcmal büdcənin gəlirləri 16 mlrd 720,1 mln manat, xərcləri 19 mlrd 906,5 mln manat, kəsir 3 mlrd 186,4 mln manat proqnozlaşdırılır. --17D—
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz