![Maliyyə Sabitliyi Şurası yaradılıb](https://turan.az/resized/750/500/resize/media/2016/main/071500162140.jpg)
Maliyyə Sabitliyi Şurası yaradılıb
Prezident İlham Əliyev Maliyyə Sabitliyi Şurasının yaradılması barədə fərman imzalayıb.
Dövlət başçısının saytında dərc edilən sənədin mətnində deyilir ki, ölkənin makroiqtisadi sabitliyinin daha da möhkəmləndirilməsi və maliyyə dayanıqlılığının təmin edilməsi, bu sahədə koordinasiya olunmuş siyasətin həyata keçirilməsi, habelə səmərəli tənzimləmə və hüquqtətbiqetmə praktikasına nail olunması, o cümlədən makroiqtisadi və maliyyə sabitliyinin təmin edilməsi məqsədilə yaradılıb.
Quruma baş nazir Artur Rasizadə rəhbərlik edəcək.
Ondan başqa Şuraya Natiq Əmirov (Azərbaycan prezidentinin İqtisadi islahatlar üzrə köməkçisi), Samir Şərifov (maliyyə naziri), Şahin Mustafayev (iqtisadiyyat naziri), Elman Rüstəmov (Azərbaycan Mərkəzi Bankının sədri), Rüfət Aslanlı (Maliyyə Bazarlarına Nəzarət Palatasının Direktorlar Şurasının sədri), Şahmar Mövsümov ( Azərbaycan Dövlət Neft Fondunun icraçı direktoru) daxildir.
Şuraya tapşırılıb ki, bir ay müddətində ölkədə maliyyə–kredit sektorunun mövcud vəziyyətini təhlil etsin, habelə qanunvericilik bazasının ekspertizasını həyata keçirsin, maliyyə sabitliyinin tənzimlənməsi sahəsində qabaqcıl beynəlxalq prinsip və standartlar əsas götürülməklə gələcəkdə yarana biləcək təhdidlərin qarşısının alınması, makroiqtisadi sabitliyin, maliyyə dayanıqlığının təmin edilməsi ilə bağlı baxışa, orta perspektivdə atılacaq addımlara və icra mexanizmlərinə dair təkliflərini hazırlayıb Azərbaycan prezidentinə təqdim etsin.-02D-
-
- Siyasət
- 15 İyul 2016 15:52
-
- İqtisadiyyat
- 15 İyul 2016 17:42
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz