Bu ilin avqustunda pul kütləsinin həcmi 247,3 mln manat və ya 2,1% artaraq 12218,3 mln manat olub. Son 12 ayda iqtisadiyyatda manat vəsaitlərinin həcmi 2648,6 mln manat və ya 27,7% artıb.
Azərbaycan Mərkəzi Bankının məlumatına görə, bank sistemindən kənarda nağd pul həcmi avqustda 122,3 mln manat və ya 1,5% artaraq 8134,6 mln manata çatıb, nağdsız manat həcmi 81,8 mln manat və ya 2% artaraq 4001,9 mln manat olub. Manat pul kütləsi strukturunda sonuncuların xüsusi çəkisi 33,4%-dək artıb.
Hesabat dövründə geniş pul kütləsi göstəricisi 300 mln manat və ya 2%, il ərzində 21,6% artaraq 15003 mln manat olub. Bank sistemində xarici valyuta kütləsinin həcmi 52,7 mln manat və ya 1,9% artaraq 2784,7 mln manat ekvivalenti təşkil edib. İl ərzində xarici pul kütləsi 0,7% genişlənib. Ümumi pul kütləsində manat resurslarının payı 81,4% təşkil edib. Bu, ötən ilin 1 sentyabr göstəricisindən 3,8% çoxdur.
Avqustda pul bazasının ümumi həcmi 1,7%, il ərzində 27,7% artaraq 9195,7 mln manata çatıb. Manat pul bazası ay ərzində 136,2 mln manat və ya 1,5% artaraq 9076,4 mln manat olub. --15В--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz