Martda qiymətlər 0,6% artıb

Dövlətstatkom martda 0,6% inflyasiya qeyd alıb. Yanvar və fevralda istehlak qiymətləri 1,2% və 0,5% artmışdı. 

DSK-da Turan-a deyiblər ki, mart ayında ərzaq məhsulları 1,3 faiz bahalanıb, qeyri-ərzaq malları və əhaliyə göstərilən pullu xidmətlərin qiymət və tarifləri sabit qalıb. 

Ay ərzində düyünün, qarabaşaq yarmasının, mal ətinin, toyuq və toyuq budunun, yumurtanın, kərə yağının, şəkər və şəkər tozunun, limonun, göyərtinin qiymətlərində ucuzlaşma, makaron və kolbasa məmulatlarının, təzə balığın, südün, xamanın, qatığın, günəbaxan və qarğıdalı yağlarının, portağalın, naringinin, bananın, almanın, armudun, heyvanın, narın, qoz və fındığın, şabalıdın, kələmin, xiyar və pomidorun, bibərin, çuğundurun, kökün, sarımsağın, soğanın qiymətlərində bahalaşma müşahidə olunub. 

İqtisadi Tədqiqatlar Mərkəzi istehlak qiymətlərinin alternativ hesablanmasını bu ildən dayandırıb. Alternativ hesablamalar daha yüksək qiymət artımı aşkarlayırdı. Məsələn, 2012-ci ildə DSK 1,1%, İTM 9,9% inflyasiya qeydə alıb. 08D