Masallı rayonunda 6 avtomobil yolu tikiləcək

Dövlət başçısının ölkə regionlarına səfərindən ən çox qazanan Masallı rayonunun 31 yaşayış məntəqəsinin 43 min əhalisi olub. Dünən prezident İlham Əliyev bu rayonda 6 yol üçün 4,7 mln manat ayrılması barədə sərəncam imzalayıb. 

Vəsaitlər Masallı rayon İcra Hakimiyyətinə ayrılıb. Onlar dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitdən ayrılıb. 

Hökumət 2013-cü ilin büdcəsindən dövlət investisiyalarının bölgüsü barədə öz sərəncamını açıqlamır. Açıq resurslarda (www.budget.az) məlumat var ki, 2013-cü ildə 2012-ci ildə olduğu kimi kəndlərarası avtomobil yollarının tikintisi və yenidən qurulması üçün 70 mln manat ayrılıb. Maraqlıdır ki, bu məqsədlə vəsaitlər AR Prezidentinin Ehtiyat Fondundan da ayrılır. Prezident dəfələrlə bu resursdan dəfələrlə istifadəe dib. 2013-cü ildə Fondun həcmi 300 mln-dan 347 mln manata artırılıb. 

Dövlət büdcəsində «Avtomobil Yolları» Məqsədli Büdcə Fondu  da var. Onun vəsaiti hər il artır. Hökumət onun bölgüsü barədə hesabat vermir. 2013-cü ildə bu fondun həcmi 194 mln manat olub. Bu, ötən ilkindən 14 mln manat çoxdur. Bu vəsaitlər yerli və respublika əhəmiyyətli yolların saxlanması və istismarı üçün nəzərdə tutulub. Bundan başqa, Nəqliyyat Nazirliyi dövlət büdcəsindən avtomobil yollarının tikintisi və yenidən qurulması üçün 1 mlrd 22,1 mln manat alıb. 

Son iki ildə Nazirlər Kabinetinin iclasında İlham Əliyev bildirib ki, investisiya strategiyasının prioritetlərindən biri kəndlərarası yol infrastrukturunun yaxşılaşdırılmasıdır. 08D