Mikromaliyyələşmə institutları çətinliklərin aradan qaldırılması imkanlarını müzakirə edir

İndiki iqtisadi çətinliklər müvəqqətidir və onlar hər zaman innovativ fəaliyyəti stimullaşdırır, deyə Azərbaycan Mikromaliyyə Assosiasiyasının icraçı direktoru Jalə Hacıyeva bildirib.

Turan-ın məlumatına görə, VIII Azərbaycan mikromaliyyə konfransında çıxış edən  Jalə Hacıyeva deyib ki, investorların Azərbaycana marağı davam edir.

«İslam inkişafı qrupu mikromaliyyələşməni strateji məqsəd kimi götürüb və Azərbaycanda araşdırmalar aparır», deyə o bildirib.  

AMFA-nın idarə heyətinin sədri Süleyman Kələşov qeyd edib ki, neftin ucuzlaşması devalvasiya prosesinə təsir edib, devalvasiya prosesi isə təkcə problemli kreditlərə yox, sağlam kredit portfelinə də təsir edir.

Kələşov qeyd edib ki, AMFA üzvləri 370 min müştəriyə xidmət edir.

«Kredit portfeli 485 mln dollardır, bunun 210 mln dollarını BOKT-lar ayırıb», deyə Kələşov bildirib.

MM-in iqtisadi siyasət komitəsinin sədri Ziyad Səmədzadə qeyd edib ki, problemli kreditlərin səbəbi təkcə neftin ucuzlaşması deyil.

«Əsas səbəb bir sıra maliyyəçilərin qeyri-peşəkarlığı, necə olursa-olsun kredit vermək arzusudur. Ziyad Səmədzadə əməkdaşları ixtisar edən bankları qınayıb. «banklar ilk çətinlik zamanı əməkdaşları ixtisar etməyə başladı. Bu, düzgün deyil. Banklar sosial məsuliyyət hiss etməlidir. Tezliklə iqtisadi aktivlik artacaq, kreditlər sağlamlaşdırılacaq və bu əməkdaşları qaytarmaq lazım gələcək», deyə Səmədzadə qeyd edib.

Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev qeyd edib ki, bütün riskləri banklara yükləmək olmaz.

İsveçrənin Azərbaycandakı səfiri Filip Stalder baş vermiş çətinliklərin həlli yolunda müştərilərin etibarı və inamını bərpa etmək, onlar üçün daha ucuz və innovativ məhsullar təqdim etmək üçün sektorda islahatların aparılmasına ehtiyac olduğunu vurğulayıb.

«Müsbət islahat kimi kredit büroları və daşınan əmlakın reyestri yaradılmalıdır», deyə o bildirib.

Директор отдела корпоративного и институционального банкинга «Pashabank»ın korporativ və institusional bankçılıq şöbəsinin direktoru Melix Mengü qeyd edib ki, Azərbaycanda banklar nadir hallarda mikromaliyyələşmə institutlarını maliyyələşdirir.

«Mikromaliyyələşmə institutlarının fonda ehtiyacı var. Regionlarda bank filialları olsa da, mikromaliyyələşmə institutları yerlərdə banklardan yaxşı işləyir və bunu konkret sahələr üzrə edir», deyə o bildirib. 71D