Milli Məclisin bu günkü iclasında gündəlikdə 21 məsələ var. O cümlədən «Antiinhisar fəaliyyəti haqqında», Torpaq Məcəlləsi, eləcə də «Banklar haqqında», «Qeyri-bank kredit təşkilatları haqqında», «İnvestisiya fondları haqqında», «Sığorta fəaliyyəti haqqında», «Daşınmaz əmlakın dövlət reyestri haqqında» qanunlara dəyişikliklərin müzakirəsi nəzərdə tutulur.
Deputatlara «Antiinhisar fəaliyyəti haqqında» (http://www.tariff.gov.az/?/ru/content/60) qanunun 10-cu maddəsinin 1-ci bəndində kartel sövdələşməsini belə tərif etmək nəzərdə tutulur: «bazarın iki və ya daha çox iştirakçısının bazarın başqa iştirakçılarını o cümlədən qiymətlərə təsir etmək məqsədilə bazardan kənarlaşdırması». Hələlik qanunvericilikdə kartel anlayışı yoxdur, bu isə bazar iştirakçılarına qiymət siyasətinə təsir etmək imkanı verir, deyə deputatlar düşünür.
Qanun 1993-cü ildə qəbul edilib, kartel anlayışının isə 100 ildən çox tarixi var. İndiyəcən MM üzvləri reallığı nəzərə almayıb, bu isə idxalçı, istehsalçı və topdansatışçılara imkan veridb ki, qiymətləri dəfələrlə şişirtsinlər. --17D
İqtisadiyyat
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
-
El & En memarlıq şirkəti Şəhərsalma və Memarlıq Komitəsindən ümumi dəyəri 805,593 manat olan bir neçə müqavilə alıb. Bundan əlavə, Ərazi Tikinti Planlaşdırma Mərkəzi də həmin özəl şirkətdən bir neçə yüz min manat dəyərində layihələr sifariş edib. Bu memarlıq layihələri azad olunmuş ərazilərdə və Azərbaycanın digər bölgələrində görüləcək işləri əhatə edir. Bu şirkətin həmtəsisçisi isə oğlu ilə birlikdə Şəhərsalma və Memarlıq üzrə Dövlət Komitəsinin nəzdindəki İctimai Şuranın rəhbəri və eyni zamanda Memarlar İttifaqının sədri olan Elbay Qasımzadədir.
-
Azərbaycan Dövlət Neft Şirkəti (SOCAR) yanvarın 15-dən etibarən "yaşıl" istiqrazların buraxılışına başlayacaq. Bu barədə SOCAR-ın rəsmi açıqlamasına istinadən Turan məlumat yayıb.
Rəy yaz