Açiq mənbələrdən foto.
Bakı/14.12.22/Turan: Dekabrın 13-də Əmək və Əhalinin Sosial Müdafiəsi Nazirliyi iki sahibkarlıq subyektindən müharibə əlilləri və şəhid ailələri üçün nəzərdə tutulmuş, rahat yaşayış üçün hazır olan ümumilikdə 86 mənzil alıb.
1-3 otaqlı mənzillər Göygöl, Salyan və Lənkəran rayonlarında, həmçinin Şirvan və Mingəçevir şəhərlərində yerləşir. Nazirliyin mətbuat xidmətindən "Turan"a bildiriblər ki, “Avanqard” mənzil-tikinti kooperativi (VÖEN: 2300534761) nazirliyə 30 mənzil təqdim edəcək.
Tenderin nəticəsində bağlanmış müqavilənin dəyəri 1 milyon 649,1 min manatdır. Digər müqavilə isə fərdi sahibkar Natiq Hüseyn oğlu Əlisoydan (VÖEN: 0800049862) ümumi dəyəri 3 milyon 291,1 min manat olan 56 mənzilin alınmasını nəzərdə tutur. Bütün mənzillər mətbəx dəsti ilə təmin olunub. Əmək və Əhalinin Sosial Müdafiəsi Nazirliyinin mətbuat katibi Fazil Talıbov "Turan"a bildirib ki, eyni zamanda hər iki müqavilə üzrə 1 kvadratmetr sahə 750 manata verilib.
Qeyd edək ki, tender yuxarıda göstərilən kateqoriyadan olan şəxslər üçün 206 mənzilin satın alınması üzrə keçirilib. 08B
İqtisadiyyat
-
Elon Mask, ABŞ Dövlət İdarəetməsinin Effektivliyi Departamentinin (DOGE) həmsədri olaraq, 2026-cı ilə qədər federal xərclərin aqressiv şəkildə azaldılması yolu ilə ABŞ-da inflyasiyanı sıfıra endirmək üçün strategiya irəli sürüb. Maskı planı, proqnozlaşdırılan gündəlik xərcləri təxminən 4 milyard dollar azaltmağı hədəfləyir və 2026-cı ilə qədər federal büdcə kəsirini 1 trilyon dollara qədər endirməyi nəzərdə tutur. Kəsir hələ də böyük olsa da, Musk hesab edir ki, sürətləndirilmiş iqtisadi artım inflyasiya təzyiqlərini kompensasiya edərək iqtisadiyyatı sabitləşdirə bilər.
-
Azərbaycan Dövlət Neft Şirkəti (SOCAR) Aralıq dənizinin ən iri dəniz yataqlarından biri olan Tamar qaz yatağında 10% pay əldə etmək üçün Union Energy ilə müqavilə imzalayıb, şirkət çərşənbə günü bəyanatında bildirib.
-
Yanvarın 30-da Azərbaycan Prezidenti İlham Əliyev “Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025–2030-cu illər üçün Dövlət Proqramını” təsdiqləyən sərəncam imzalayıb. Bu proqram paytaxtın nəqliyyat sistemini modernləşdirməyi və tıxacları azaltmağı hədəfləyir, prezidentin mətbuat xidməti çərşənbə axşamı bildirib.
-
Goldman Sachs neft qiymətləri ilə bağlı proqnozlarını yenidən nəzərdən keçirib və 2025 və 2026-cı illər üçün Brent və Azeri Light markalı neftin qiymət proqnozlarını hər barel üçün 2 dollar artıraraq 78 dollar səviyyəsinə çatdırıb. Bu düzəliş, ABŞ sanksiyalarının Rusiyanın neft hasilatına təsiri və İran neft ixracına qarşı mümkün gələcək məhdudiyyətlər daxil olmaqla, geosiyasi risklərdən qaynaqlanan daha sərt təchizat şərtləri gözləntilərini əks etdirir.
Rəy yaz