Bu il Qarabağ müharibəsi əlillərinə prezident seçkiləri vaxtı minik avtomobilləri paylanır. Bu günlərdə 40 veteran “NAZ Lifan” avtomobili alıb.
Veteranlar avtomobili almazdan öncə Əmək və Əhalinin Sosial Müdafiəsi Nazirliyində sabiq prezident Heydər Əliyevin büstü qarşısına gül-çiçək dəstələri qoyublar.
Nazir Fizuli Ələkbərov yeni minik avtomobili alan əlillərə respublikanın dinamik sosial-iqtisadi inkişafı şəraitində əhalinin sosial müdafiəsi sahəsində də sürətli tərəqqidən danışıb. 2003-2013-cü illərdə müharibə əlillərinə 2800-dən çox avtomobil, 4 min mənzil verilib. 1998-ci ildən bu vaxta qədər isə 3800 nəfər avtomobil, 5 min nəfər mənzil alıb. Yaxın günlərdə daha 140 əlil minik avtomobili alacaq.
Bu il Naxçıvanda 326 avtomobil yığılıb. Bu, ötən ilin eyni dövründəkindən 2,7 dəfə çoxdur. Sentyabrın əvvəli üçün müəssisənin anbarında 192 avtomobil var. 08D
İqtisadiyyat
-
2024-cü ildə Azərbaycanın əmək bazarı qarışıq bir mənzərə yaradır: işsizlik səviyyəsində cüzi azalma ilə yanaşı, gənclərin məşğulluğunun təmin edilməsində artan çətinliklər mövcuddur. Məşğulluğun formallaşdırılması və iş yerlərinin yaradılmasında mühüm irəliləyişlərə baxmayaraq, işçi qüvvəsinin artımı ilə mövcud iş yerləri arasındakı uyğunsuzluq ciddi bir problem olaraq qalır.
-
SOCAR Türkiyə Türkiyənin ən böyük xarici investoru, İstanbulda 2024-cü il fəaliyyət nəticələrini nəzərdən keçirmək üçün mətbuat konfransı təşkil edib. Tədbirdə SOCAR Türkiyənin baş icraçı direktoru Elçin İbadov və Şirkətin Emal və Neft-Kimya Biznes Vahidi rəhbəri Kənan Mirzəyev çıxış edərək nəticələr barədə fikirlərini bölüşüblər. Tədbirdə Azərbaycanın media nümayəndələri də iştirak ediblər.
-
Azərbaycanın enerji sektoru ölkə iqtisadiyyatının təməl daşı olaraq qalır və dövlət gəlirlərinin təxminən yarısını təmin edir. Bu, əsasən neftin yüksək qiymətləri ilə dəstəklənir. Neft hasilatında tədricən azalma müşahidə olunsa da, azalma tempi zəifləyib ki, bu da ölkənin karbohidrogen ehtiyatlarının idarə edilməsində sabitləşdirici yanaşmanı əks etdirir.
-
2024-cü ildə Azərbaycan inflyasiya təzyiqləri, davamlı devalvasiya qorxuları və məhdud struktur islahatları ilə xarakterizə olunan çətin iqtisadi dövürdən keçdi. Rəsmi məlumatlar mülayim inflyasiyaya işarə etsə də, dərin iqtisadi zəifliklər və artan ictimai narazılıq ölkənin maliyyə sabitliyinə kölgə saldı, iqtisadçı Qubad İbadoğlu qeyd etdi.
Rəy yaz