![Mükafatların üçdə biri icbari növlər üzrədir](https://turan.az/resized/./turan-750-500-resize.webp)
Mükafatların üçdə biri icbari növlər üzrədir
Yerli bazarda icbari növlər üzrə 46 mln 946 min manat mükafat yığılıb. Onların xüsusi çəkisi 29%-dir.
Dövlət Sığorta Nəzarəti Xidmətinin məlumatına görə, buna İcbari Sığorta Bürosuna üzvlük səbəb olub. Mükafatların çoxu avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrədir– 41 mln 095,46 min manat.
Daşınmaz əmlakın icbari sığortası yarım ildə 5 mln 527,78 min manat gətirib. Daşınmaz əmlakın istifadəsi zamanı mülki məsuliyyətin sığortası üzrə 202,11 min manat, sərnişinlərin sığortası üzrə 121,03 min manat toplanıb.
İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var. Dövlət Sığorta Nəzarəti Xidmətinin rəhbəri Namiq Xəlilovun proqnozuna görə, bu il üzv sayı 15-ə çatacaq.
Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək.
Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır.
“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.
Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər.
Əgər sığorta şirkəti icbari sığortanın bir neçə növünə dair xidmət göstərməkdə maraqlıdırsa, onda hər növə görə ayrıca depozit ödəməlidir. --17D—
-
- İqtisadiyyat
- 23 Avqust 2012 15:21
-
- İqtisadiyyat
- 23 Avqust 2012 15:24
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz