Mülkiyyətçilərin hüquqları haqda qanunvericilik təkmilləşməlidir

Bu gün Park INN otelində “Azad İqtisadiyyata Yardım” İB Avrasiya Əməkdaşlıq Fondu və Demokratiyaya Milli Töhfə (hər ikisi ABŞ) təşkilatlarının maliyyə və təşkilati dəstəyi ilə «Mülkiyyət hüququna əməl edilməsinin yerli və beynəlxalq mexanizmləri» mövzusunda konfrans keçirib.  

İB-nin sədri Zöhrab İsmayılın sözlərinə görə, Azərbaycanda dövlət ehtiyacları adı ilə ərazilərin alınması şəraitində mülkiyyətçilərin hüquqları haqda qanunvericiliyin təkmilləşməsi zərurəti var. Daşınmaz əmlakın toxunulmasına zəmanət hökumət və vətəndaş cəmiyyətinin birgə hazırladığı sənədin imzalanması halında mümkün ola bilər. 

İB-in hüquqşünasə Emin Abbasov məlumat verib ki, Azərbaycanda mülkiyyətçilərin hüquqlarına bir neçə qanunvericilik aktları ilə zəmanət verilir. AR Konstitusiyasının 13-cü maddəsinə görə, mülkiyyət toxunulmazdır və dövlət onu qoruyur. 29-cu maddənin IV bəndinə əsasən, «məhkəmənin qərarı olmadan heç kəs mülkiyyətdən məhrum edilə bilməz, dövlət ehtiyacları üçün özgəninkiləşdirmə ədalətli ödənişdən sonra mümkündür». 

Torpaq Məcəlləsinin 70-ci maddənin V bəndinə əsasən, hüquqi və fiziki şəxslərin istifadəsində olan torpaq dövlət ehtiyacları üçün özgəninkiləşdiriləndə onların əvəzi bazar qiyməti ilə ödənilməlidir. 

Dövlət onları istisnasız olaraq müəyyən hallarda yol və kommunikasiya xətlərinin çəkilişi və ya müdafiə xarakterli obyektlərin tikintisi üçün ala bilər. 

Hüquqşünas qeyd edib ki, paytaxt hüdudlarında mülkiyyətin alınması başa çatmayıb, Milli Parkın Zığ istiqamətində 9 km uzadılması planı buna sübutdur. Onun sözlərinə görə, Avropada da mülkiyyətin özgəninkiləşdirilməsi baş verir, amma bu zaman mülkiyyətçinin hüquqları qorunur. 

Konfrans iştirakçıları bildiriblər ki, mülkiyyətin alınması şəffaf, qanuni, ilkin xəbərdarlıqla həyata keçirilməlidir. Prosesə nəzarət edilməli, vətəndaşlarla münasibətdə etika qorunmalıdır. 

“Azad İqtisadiyyata Yardım” hökumətə tövsiyə edir ki, bütün maraqlı tərəflərlə əməkdaşlıq şəraitində qanunvericilik təkmilləşdirilsin, icra orqanlarının hərəkətlərində hesabatlılıq və şəffaflıq təmin edilsin. -17D—