Brent markalı neftin $50-dan aşağı düşməsi hökumətə xoşagəlməz siqnaldır.
İyulun ortalarında AMB sədri Elman Rüstəmov AzTV-yə müsahibəsində bildirib ki, neft $50-dan ucuz olmasa, devalvasiya təhlükəsi yoxdur.
Sonra o bildirib ki, «Neft ilin sonuna kimi $50 səviyyəsində qalsa, ticari tərəfdaşlarımızın iqtisadiyyatında ciddi hadisələr olmayacaq».
Demək, manatın indiki məzənnəsi neft gəlirlərinin azalması halında ən azı bir il qala bilər.
Standard & Poors agentliyi hesab edir ki, 2015-ci ildə neftin barreli $55, 2016-cı ildə $65 olacaq, ona görə manatın devalvasiyası üçün əsas görmür. Agentlik institusional effektivlik və pul-kredit çevikliyini artırmağı zəruri hesab edir.
Agentliyə görə, əgər qiymət azalması proqnozdan yüksək olsa və ya hökumətin fiskal səyləri nəticə verməsə, vəziyyət pisləşə bilər. —0—
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz