Bu il nəqliyyat layihələrinin reallaşması üçün dövlət büdcəsindən 367,3 mln. manat investisiya ayrılacaq. Bu barədə “Milli Büdcə Qrupu” QHT koalisiyasının üzvü Rövşən Ağayev bildirib.
Onun sözlərinə görə, “Azəravtoyol” ASC avtomobil yollarının və körpülərin tikintisinə görə birbaşa 122,1 mln. manat alacaq. “Azərbaycan dəmir yolları” ASC-nin infrastrukturunun yenidən qurulmasına 175,2 mln. manat ayrılıb.
Nəqliyyat Nazirliyi Ələt qəsəbəsində yeni beynəlxalq dəniz limanının inşasının davam etdirilməsinə görə daha 70 mln. manat alacaq.
R.Ağayev hesablayıb ki, 2008-2015-ci illərdə Nəqliyyat Nazirliyi bu layihə çərçivəsində dövlət büdcəsindən 548 mln. manat alıb.
Qeyd edək ki, bu il dövlət büdcəsindən investisiya layihələrinə 3 mlrd. manat və ya büdcə xərclərinin 16%-nin ayrılması planlaşdırılır. Vəsaitin üçdə bir hissəsi “Cənub” qaz dəhlizinin inşasının maliyyələşdirilməsinə yönəlib. Həmin vəsaitin ayrı-ayrı layihələr üzrə bölüşdürülməsi Nazirlər Kabinetinin xüsusi sərəncamı ilə həyata keçirilir ki, bu da ictimaiyyətdən gizlədilir.08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz