Nəqliyyat Nazirliyi səkkiz layihənin icrası üçün vəsait alıb

Nazirlər Kabineti bu günlərdə dövlət investisiya layihələrinin maliyyələşməsi üzrə dövlət büdcəsi vəsaitlərinin bölgüsü üzrə qərar qəbul edib. Beş layihənin maliyyəsinin azaldılamsı hesabına Nəqliyyat Nazirliyi səkkiz layihənin icrası üçün 31,5 mln manat vəsait alıb.

Hökumət mənbələrindən Turan-a məlum olub ki, ilin sonuna iki ay qalmış Nəqliyyat Nazirliyi Bakı - Ələt yolunun 2-4 kilometrinin tikintisi (Bayıl qəsəbəsindən Bayraq Meydanına gedən yol, 4 ədəd piyada keçidi və istinad divarları ilə) üçün əlavə 15 mln manat alıb. Dövlət büdcəsindən bu məqsədlə 25 mln manat ayrılmışdı. Qeyd edək ki, 15 mln-dan 5 mln manat avtomobil yolunun tikintisi ilə əlaqədar tikinti altına düşən yaşayış və qeyri-yaşayış obyektlərinin köçürülməsi üçün ayrılan kompensasiyaların azaldılması hesabına ayrılıb. Beş piyada keçidi və maşın və piyadalar üçün yeraltı keçid qovşağının tikintisi üçün əlavə 7 mln manat ayrılıb. R-8 (5-ci km) - Dilman - Xatman avtomobil yolunun və yolun 1-ci kilometrində Ağsuçay üzərində qəza vəziyyətinə düşmüş körpünün yerində yeni körpünün tikintisi üçün 9,5 mln manat ayrılıb. 

Qeyd edək ki, Nəqliyyat Nazirliyi ölkənin ən qeyri-şəffaf dövlət strukturlarındandır. Eyni zamanda, dövlət büdcəsindən investisiyaların 30%-ı ona ayrılır. Nazirlik konkret layihələr üzrə xərclənən vəsaitlərin real həcmini gizlədir. 08B