"Nobel Oil" Britaniya şirkətinin Azərbaycan "törəmə"sinin 50 faizini əldə edib

Böyük Britaniyanın "Nobel Oil Services" (UK) Ltd" şirkəti Azərbaycanda "Denholm Oilfield Services Limited"in istehsalat müəssisəsinin yarısını əldə edib. Bu barədə dünən məlumat yayılıb.

Məlumata görə, "Denholm" "SDL Denholm Limited" və "Denholm Oilfield Services (Azerbaijan)"da 50 faizlik payının "Nobel Oil Services Limited" şirkəti tərəfindən alındığını təsdiqləyib.

Sövdələşmənin dəyəri açıqlanmır. Nobel Oil Services-in icraçı direktoru Maykl Rinq qeyd edib ki, Nobel Oil Services-in inkişaf strategiyasını göstərir.

"Denholm istehsalat müəssisəsinin yarısının alınmasında məqsəd məşhur  Qərb şirkətləri ilə birgə müəssisələr yaratmaqla qabaqcıl imkanlar və səmərəli aktivlər yaratmağı nəzərdə tutur. Azərbaycan şirkətlərini beynəlxalq səviyyədə inkişaf etdirəcək, regionda beynəlxalq və yerli müştərilərə xidmət edəcəyik", - deyə o bildirib.

Denholm Oilfield Services Limited Böyük Britaniya, Azərbaycan, Qazaxıstan və BƏƏ-də fəaliyyət göstərir və avtomatika, yük daşınması, rekrutinq xidmətləri təklif edir.

Denholm Oilfield Services Limited İH sədri Con Denolm deyib ki, "Nobel Oil yaxşı tərəfdaşdır. Nobel Oil upstream seqmentində yaxşı mövqeyə malikdir, ümid edirik ki, nəticədə sifarişlərimiz artacaq".

"Nobel Oil dəyərlərimizi bölüşür və bu əqdin yaratdığı imkanları nikbin qiymətləndiririk", - deyə Denholm Oilfield Services Limited-in icraçı direktoru Maykl Beveric qeyd edib.

Nobel Oil Services Azərbaycanda və xaricdə qazma, mühəndis-montaj işləri, texniki xidmət, layihələrin idarə edilməsi və s üzrə aparıcı tədarükçülərdəndir.—0--