Noyabrda fiziki şəxslər MKRX-yə 2,3 dəfə çox müraciət edib

2013-cü ilin noyabrında Mərkəzləşdirilmiş Kredit Reyestri Xidmətinə 227329 sorğu olub. Bu, ötən aydakından 2,1% azdır. Müraciətlərin 0,23%-i fiziki şəxslərə aiddir. Onlar ay ərzində 20,3%, 2012-ci ilin noyabrı ilə müqayisədə 2,3 dəfə artıb. 

Mərkəzi Bankın məlumatına görə, 2013-cü ilin 11 ayında MKRX-yə 2 061 461 sorğu edilib. 2012-ci ilin yanvar-noyabrı ilə müqayisədə bu göstərici 1178,7 min və ya 2,4 dəfə artıb. Həmin dövrdə fiziki şəxslər 4700 və ya ümumi göstəricinin 0,23%-i qədər sorğu göndəriblər. 

1 dekabr 2013-cü il üçün borcalanların sayı 1,920 mln-a çatıb. Bunun 1,894 mln-u fiziki şəxslərdir. Hesabat tarixinə zaminlər 801,7 min olub. Ümumi kredit məlumatı (o cümlədən tam ödənilənlər) sayı 6,33 mln-a çatıb. 

Mərkəzləşdirilmiş Kredit Reyestri Xidməti 2005-ci ildə yaradılıb. Burda fiziki və hüquqi şəxslərin kredit məlumatları toplanır. Bu məlumatlardan, bank və QBKT-lər, məlumatı toplanan şəxslər iştirak edə bilər. Bank və QBKT-lər onlayn rejimdə elektron formada, borcalanlar 3 günə pulsuz alır. Qalan hallarda bir sorğu 1 manatdır. --15B--