Noyabrda ipoteka 0,38% bahalanıb

Azərbaycan İpoteka Fondunun (AİF) müvəkkil bankları 2013-cü ilin 11 ayında ümumi məbləği 96,4 mln manat olan ipoteka kreditləri veriblər. Bu, 2012-ci ilin eyni dövründəkindən 34,9 mln manat və ya 56,7% çoxdur. 

AMB-nin məlumatına əsasən, ilin əvvəlindən otra kredit dərəcəsi 0,11 faiz bəndi azalıb, noyabrda 0,38 f.b artaraq 6,89% olub. Orta kreditləşmə müddəti ötən ayla müqayisədə azalaraq 277 ay olub. 

Aylıq ödəniş üzrə orta göstərici hesabat ayında 2,5%, 11 ayda 0,6% artaraq 319,6 manat olub.

Verilən kreditlərin məbləği üzrə analoji göstərici noyabrda 8,8% azalaraq 39,33 min manat olub. 

Azərbaycanda mərkəzləşdirilmiş ipoteka kreditləşməsi 2006-cı ilin martından başlayıb. 2007-ci ilin iyununda vəsait çatışmazlığından 2009-cu ilin yayına kimi dayandırılıb. İndi dövlət təkcə sosial ipotekaya yardım edir. Bunun üçün 2013-cü ildə 40 mln büdcə vəsaiti ayrılıb. 

Kommersiya ipotekası AİF istiqrazlarının buraxılışı hesabına maliyyələşir. 

2009-2012-ci illərdə Fond 55 mln və 75 mln, 60 mln və 20 mln və 30 mln, 40 mln və 20 mln manat olan 7 emissiya yerləşdirib. Ötən ilin dekabrında Fondun son emissiya yerləşdirilib. Yeni isə hələ elan edilməyib. 

Hazırda AİF-in agentləri 28 bankdır. İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir. 

Güzəştli kreditlər 50 min manatadək, 30 ilə qədər müddətə, illik 4%-dək dərəcə ilə verilir. --15В--