Oktyabrda bankların depozit portfeli 1% artıb

2013-cü ilin oktyabrında Azərbaycanın kredit təşkilatlarında depozit və əmanət həcmi 112,9 mln manat və ya 1% artaraq 12042,3 mln manat olub. Son 12 ayın 2-də azalma olub və bu göstərici 1839,9 mln manat və ya 18% artıb.

Hesabat ayında manat və valyuta vəsaitləri artıb. Manat vəsaitlərinin həcmi 6130,1 mln manat olub. Bankların ümumi depozit portfelində onların payı 50,9%-dək azalıb. Bir il əvvəl bu göstərici 45,3% idi.

Noyabrın əvvəli üçün fiziki şəxslər banklarda 6303,4 mln manat depozit və əmanət saxlayıb. Bu, ümumi göstəricinin 52,3%-dir (bir ay əvvəl 52,3%). Fiziki şəxslərin qısamüddətli əmanətləri hesabat ayında 7,5 mln manat və ya 0,2% artaraq 3621 mln manat olub. Fiziki şəxslərin uzunmüddətli əmanətləri 58,5 mln manat və ya 2,2% artaraq 2682,4 mln manat təşkil edib.

Əhalinin müddətli əmanətləri 8215 mln manata qədər və ya ümumi göstərcinin 68,2%-dək (oktyabrda +0,2%) artıb. Tələb edilənədək əmanətlər 3827,2 mln manata düşüb. 

Azərbaycan Mərkəzi Bankının məlumatına görə, manat depozitləri və əmanətləri üzrə orta dərəcə oktyabrda 0,02 faiz bəndi azalaraq 9,43%, xarici valyuta ilə əmanətlərdə 0,14 f.b. azalaraq 9,90% olub. Hesabat ayında manat depozitləri əhalidən orta hesabla illik 9,83%-lə, valyuta əmanətləri 10,35%-lə qəbul edilib. Hüquqi şəxslər üçün bu göstərici 5,74% və 3,71% olub. --15B--