Parlamentdə dövlət büdcəsi layihəsi ilə bağlı müzakirələr davam edir

Çərşənbə günü Milli Məclisdə 2015-ci il dövlət büdcəsi layihəsi ilə bağlı müzakirələr davam edib.

Parlamentin vitse-spieri Valeh Ələsgərov deputatları inandırıb ki, layihədə neftin bir bareli üçn göstərilmiş 90 dollarlıq qiymət obyektiv qiymətdir. Dünya bazarında qiymətlərin dəyişdiyini qeyd edən Ələsgərov iddia edib ki, ölkə büdcəsi 70 dollarlıq qiymətə də tab gətirəcək.

“Neftin qiyməti 70 dollara qədər düşsə belə, Azərbaycan büdcəsi davam gətirəcək, bizim ehtiyatlarımız buna imkan verir”, Ələsgərov bundan əmindir.

Daha sonra o, elmə, kiçik SES-lərin tikintisinə investisiya etmək zərurətinə işarə edib.

“Azərbaycan elektrik enerjisi ixracçısına çevrilib və SES-lərin yaradılmasını davam etdirmək lazımdır, xüsusən də Samurda. SES ölkənin xammal neftin 1 faizinə qənaət etməyə imkan verir ki, bu da 50-60 min ton yanacaq deməkdir”, deyə o qeyd edib.

Qubadan olan deputat Yevda Abramov hökuməti “xaricdən düşmən təxribatına qarşı fəaliyyət göstərmək üçün” Azərbaycan Silahlı Qüvvələrinin və QHT-lərin maliyyələşdirilməsini artırmağa çağırıb.

Daha sonra o, Şimal bölgəsini mərkəzi bölgə ilə birləşdirəcək və strateji əhəmiyyət daşıyacaq, qüvvələrin şimal sərhəddinə tez bir zamanda göndərilməsinə imkan verəcək Şamaxı-Quba yolu layihəsinin həyata keçirilməsinin tərəfdarı olduğunu bildirib. Abramov bu işin maliyyələşdirilməsinin müvafiq dövlət proqramına daxil edilməsini lazım bilir.

Bundan başqa, deputat Qubada Beynəlxalq Hava Limanı tikintisinin gecikməsindən şikayət edib.

“Bu obyekt üçün insanlardan torpaq sahələri alınıb, amma onlara pul verilməyib. İnsanlar deyirlər ki, aeroportun tikintisinə Rusiya qarşı çıxır. Bu məsələyə aydınlıq gətirilməlidir”, deyə o bildirib. -02D-