Paşa Bank 6 aya yekun vurdu

Bu gün Paşa Bank Four Seasons otelində keçirdiyi mətbuat konfransında ötən yarım ilin nəticələrini açıqlayıb. Jurnalistlər qarşısında bankın İH sədri Fərid Axundov, İH üzvü, baş maliyə inzibatçısı Şahin Məmmədov, İH üzvü, baş investisiya direktoru Taleh Kazımov və Ernst&Youngun məsləhətçisi Fərhad Quliyev çıxış edib. 

Bankın İH sədri Fərid Axundov bildirib ki, PASA Bank korporativ müəssisə kimi güclənmək və beynəlxalq əlaqəli korporativ müştərilərə və kiçik və orta sahibkarlara daha çox xidmətlər göstərməyi nəzərdə tutan 2012-2014-cü illər üzrə strateji dövrünün ilk yarısını uğurla başa vurub.

Bu il Gəncə və Zaqatalada biznes mərkəzlə açılıb. Filiallardan fərqli olaraq, onlar daha geniş imkanlara malikdir, deyə Axundov əlavə edib. 

Baş maliyə inzibatçısı Şahin Məmmədovun sözlərinə görə, Paşa Bank 193 milyon 727 min manat (246 milyon 943 min ABŞ dolları) malik olan cəmi kapital göstəricisinə görə ən iri kommersiya banklarından biri kimi mövqeyini qoruyub saxlaya bildi.

Aktivlər portfelini müxtəlif istiqamətdə inkişaf etdirmək barədə strateji qərarın qəbul edilməsi nəticəsində Bank müştərilərinə təklif etdiyi xidmətlərin yaxşı balansını saxlamağa müvəffəq olub.

30 İyun 2013-cü ildə PAŞA Bankın aktivlərinin ümumi məbləği 659 milyon 570 min manat (840 milyon 752 min ABŞ dolları) təşkil edib ki, bu da müştəri hesablarında fəaliyyətin zəif olması səbəbi ilə 2012-ci il (721 milyon 75 min manat / 919 milyon 152 min ABŞ dolları) ilə müqayisədə 9% azalma deməkdir.

30 İyun 2013-cü il üzrə bankın aktivlərinin strukturunun  48%-i müştərilərə verilmiş kreditlərin, 35%-i  qiymətli kağızların, 11%-i nağd pul və nağd pul ekvivalentlərinin,  2%-i kredit təşkilatlarına verilən vəsaitlərin və  4%-i digərləri dövriyyə və qeyri-dövriyyə aktivlərin payına düşür.

Bankın baş maliyyə inzibatçısı söyləyib ki, Paşa Bank ümumi kredit portfelini 17%, yəni 331 milyon 690 min manata (422 milyon 804 min ABŞ dolları) kimi artırmaqla güclü kredit gücü yaradıb: “Müqayisə üçün deyək ki, 2012-ci ilin sonunda bu göstərici 282 milyon 837 min manat (360 milyon 532 min ABŞ dolları) təşkil edirdi. Portfel üzrə effektiv ehtiyat dərəcəsi 4,9% (2012-ci ildə – 3,1%)”.

İnkişafa doğru gedən bazarda davamlı qalaraq və müştərilərə xidmət göstərərək Bank indi son bir neçə il ərzində inkişaf etdirdiyi əlaqələrdən yararlanır. Nəticədə Bank müştəri bazasında 360 milyon 838 min manat  (459 milyon 959 min ABŞ dolları) balans ilə güclü inkişafa nail olub. Qeyd olunan müştəri balansları əsas tələb olunan və müddətli hesablarda müvafiq olaraq 66% və 34% nisbətində cəmlənib (2012-ci il üçün müvafiq olaraq 58% və 42%).

Bankın xalis mənfəəti 5 milyon 490 min manatdan (6 milyon 999 min ABŞ dolları) ibarətdir. Bu, 2012-ci ilin (5 milyon 472 min manat/ 6 milyon 975 min ABŞ dolları) analoji dövrü ilə müqayisədə demək olar ki, eynidir. Bankın mənfəət vergisi xərcindən əvvəl mənfəəti 7 milyon 999 min manat  (10 milyon 196 min ABŞ dolları) təşkil edib. Bu, əvvəlki il ilə müqayisədə 12% artım deməkdir. 2013-cü ilin başa çatmış 6 ayı üzrə ümumi əməliyyat gəliri 25 milyon 950 min manat (33 milyon 78 manat ABŞ dolları) olub. Bu, 2012-ci ildə əldə olunmuş 19 milyon 802 min manat (25  milyon 242 min ABŞ dolları) ilə müqayisədə 31% artım olmasını göstərir. 

Bankın faiz gəliri 21% artaraq 27 milyon 647 min manat (35 manat 242 min ABŞ dolları) təşkil etdiyi halda, qeyri-faiz gəliri 19% artaraq 4 milyon 613 min manat (5 milyon 880 min ABŞ dolları) məbləğinə çatıb.

“Beynəlxalq maliyyə institutları ilə aparılmış geniş danışıqların nəticəsi olaraq, Paşa Bank daha geniş maliyyə alətləri və iki beynəlxalq səviyyəli reytinq agentliyindən kredit şərtlərinin qiymətləndirilməsini əldə etdikdən sonra müştərilərə daha yaxşı şərtlərlə maliyyə instrumentlərini təqdim etmək imkanı əldə edərək, öz korporativ müştərilərinə daha çox maliyyə xidmətləri göstərmək iqtidarında olub. Paralel olaraq, institusional səviyyədə Bank vaxtında və peşəkar xidmətlər göstərmək potensialını gücləndirmək məqsədilə müştərilər üçün müxtəlif seminar və görüşlər təşkil edib. Sənədli əməliyyatlar üzrə göstərici 30 iyun 2013-cü il tarixinə 103 milyon 18 min manat (131 milyon  317 min ABŞ dolları) məbləğinə çatdırılıb. Paşa Bank üçün hazırkı strateji hədəf 2013-cü ildə ticarətin maliyyələşdirilməsi portfelini 140 milyon manata (178 milyon 458 min ABŞ dolları) məbləğinə çatdırmaqdır”,- Ş.Məmmədov bildirib. 

30 iyun 2013-cü il tarixinə Bank ilk dəfə olaraq dörd xarici banklarla dəyəri 23 milyon 947 min AZN (30 milyon 525 min ABŞ dolları) məbləğində olan ticarətlə bağlı sindikatlaşdırılmış kredit cəlb edib.

Bank, məcmu kapitalın mövcudluğunu Azərbaycan Respublikası Mərkəzi Bankının 31% (2012 - 34%) kapital tələbinə göstərərək güclü daxili kapital yüksəlişi əldə etmişdir, bu da Bankın nizamnamə kapitalını səmərəli istifadə etməsini göstərir. Bank, Basel II və BASEL III tətbiqin yekunlaşdığı zaman, lazımi kapital səviyyəsinin qarşılanması üzərində çalışmağa davam edərək təsisçilərinə kapitalı dividend şəklində geri qaytarır. 2013-cü ildə Bank səhmdarlara 2012-ci ilin xalis mənfəətindən 20, 515 min AZN (26, 150 min ABŞ dolları) məbləğində dividend ödəyib. —15D--