“Bakutel 2013” sərgisi son illər Azərbaycanın İKT sektorunda əldə etdiyi nailiyyətlərin nümayişi üçün unikal meydançaya çevriləcək, deyə Iteca Caspian şirkəti məlumat verir.
Belə ki, 2-5 dekabrda Bakı Ekspo Mərkəzində “Bakutel 2013” 19-cu Azərbaycan Beynəlxalq “Telekommunikasiya və İnformasiya Texnologiyaları” sərgisi keçiriləcək. Prezident İlham Əliyevin təşəbbüsü ilə 2013-cü il Azərbaycanda “İnformasiya və kommunikasiya texnologiyaları ili” elan edilib. Bununla əlaqədar olaraq, “Bakutel 2013” sərgisi son illər Azərbaycanın İKT sektorunda əldə etdiyi nailiyyətlərin nümayişi üçün unikal meydançaya çevriləcək.
Sərgi ekspozisiyası Azərbaycanda İT texnoparkının yaradılması mövsusuna da toxunacaq. Builki sərgidə milli stendlərin sayı daha çox olacaq. Sərgidə aparıcı İKT şirkətləri, mobil rabitə və kommunikasiya operatorları, habelə internet provayderləri iştirak edəcəklər. Həmçinin Belarus, Çin, Malayziya, Rusiya, Sloveniya, ABŞ, Ukrayna, Yaponiya və digər ölkələrdən olan şirkətlər də qatılacaqlar.
Sərgini geniş işgüzar proqram müşayiət edəcək. Tədbir çərçivəsində kiber təhlükəsizlik mövzusunda konfrans və Dünya azərbaycanlılarının I virtual konfransı, habelə Azərbaycan Respublikası Rabitə və İnformasiya Texnologiyaları Nazirliyi, Azərbaycan Milli Elmlər Akademiyası (AMEA) və AMEA İnformasiya Texnologiyaları İnstitutunun təşkilati dəstəyi ilə “Azərbaycanda internet: dünən, bu gün və sabah” mövzusunda beynəlxalq elmi-praktik konfrans, TASIM konsorsiumuna daxil olan əsas telekommunikasiya operatorlarının illik forumu, “İnternet regional inkişaf və təşviqatın lokomotivi kimi” mövzusunda internet idarəçiliyi üzrə Azərbaycan Respublikasının birinci beynəlxalq forumu, Azərbaycan Respublikasında dövlət və özəl İKT sektorları arasında əməkdaşlıq üzrə mütəxəssislər mərkəzinin yaradılması ilə əlaqədar tədbir olacaq. Həmçinin Asiya və Sakit okean regionu üzrə iqtisadi və sosial komissiyanın “Biliklərə əsaslanan iqtisadi inkişaf üzrə SPECA layihəsinin (BMT-nin Mərkəzi Asiya üzrə xüsusi iqtisadiyyat proqramı) işçi qrupu”nun iclası və Azərbaycan-Argentina və Azərbaycan-ABŞ İKT forumları keçiriləcək. --17D—
İqtisadiyyat
-
Ötən həftə Rusiya Mərkəzi Bankı faiz dərəcəsini illik 18-dən 19 faizə qaldırıb. Faiz dərəcəsinin artırılması ilə bağlı qərar əhalinin və biznesin inflyasiya gözləntilərinin artması fonunda qəbul edilib.
-
Azərbaycan Respublikası Nazirlər Kabineti Azərbaycan Prezidentinin 28 iyun 2024-cü il tarixli fərmanına əsasən, əmək müqavilələrinin elektron sənəd formatına məcburi keçirilməsinin müfəssəl müddətlərini açıqlayıb. Baş nazir Əli Əsədovun sentyabrın 17-də imzaladığı sərəncamda əmək sənədlərinin müasirləşdirilməsi və səmərəliliyin artırılması məqsədilə müxtəlif kateqoriyalı işəgötürənlər üçün mərhələli icra müddəti müəyyən edilib.
-
Qarabağ iqtisadi rayonunda aqroparkların yaradılması yolu ilə kənd təsərrüfatının dirçəldilməsi üçün transformativ təkan müşahidə edilir ki, bunlardan ən diqqət çəkəni 2023-cü ildə Zəngilanda açılan “DOST Aqroparkı”dır. Azərbaycan rəsmilərinin əlavə aqroparkların yaradılması ilə bağlı vədlərinə baxmayaraq, mühüm maneələr hələ də qalmaqdadır, bunlardan başlıcası azad edilmiş ərazilərdə hərtərəfli torpaq islahatının aparılmamasıdır.
-
Azərbaycan Maliyyə Nazirliyi 2025-ci il üçün konsolidə edilmiş büdcənin gəlirlərinin 44 371,4 milyon manat (təxminən 26,1 milyard dollar), xərclərinin isə 45 867 milyon manat (26,98 milyard dollar) olacağını proqnozlaşdırır.
Rəy yaz