Çərşənbə günü Azərbaycan HDQ gəmiləri ilk dəfə qeyri-rəsmi olaraq Həştərxana gedəcək. Bu barədə RF Xəzər donanması komandanının müavini Aleksandr Proxorov İTAR-TASS-a bildirib. “Azərbaycan HDQ gəmiləri Bakı limanından yola düşüb. Hazırda bizim “Volqodonsk” kiçik artilleriya gəmisi onları müşayiət edir. Çərşənbə günü qonaqlar Həştərxanda olacaqlar”, - Proxorov bildirib.
Həştərxana üç hərbi gəmi gedir. Onların arasında 159 A layihəsindən olan keşikçi gəmisi və 888 layihəli idarəetmə gəmisi var. Dəstəyə Azərbaycan HDQ komandanı, vitse-admiral Şahin Sultanov rəhbərlik edir.
Cənub Hərbi Dairəsinin mətbuat xidmətinin məlumatına görə, birgünlük səfər proqramına Xəzər donanması komandanlığı və Həştərxan vilayət rəhbərliyi ilə görüş daxildir. İki saat ərzində Azərbaycan HDQ gəmiləri arzu edənlər üçün açıq olacaq. Kayutalara baxmaq, şəkil çəkdirmək mümkün olacaq.
RF Xəzər donanmasının nümayəndələri bir neçə dəfə Azərbaycanda olublar. “Dağıstan” raket gəmisi və Volqodonsk” kiçik artilleriya gəmisi bu il avqustun əvvəlində Bakıda olub.-16V-
Siyasət
-
Maştağa qəsəbəsində yaşayan dini fəal Elvin Zeynalov yanvarın 31-də günorta evinin yaxınlığındakı mağazanın qarşısında mülki şəxslər tərəfindən saxlanılıb.
-
Azərbaycan Prezidentinin köməkçisi Hikmət Hacıyev İrana səfəri çərçivəsində İran Prezidentinin müşaviri Mehdi Sənayi ilə görüşüb.
-
Yanvarın 31-də Bakı Ağır Cinayətlər Məhkəməsində müxalifətçi siyasətçi Tofiq Yaqublunun işi üzrə prosesdə sənədlərin araşdırılması davam edib.
-
Strasburqda Avropa Sarayında Avropa Şurası Parlament Assambleyasının qış sessiyasında "Azərbaycanda insan hüquqları sahəsində narahatlıq doğuran böhrana” həsr olunmuş "paralel tədbir" keçirilib.
Rəy yaz